Biełaruski rasśledavalnicki centr — heta niezaležny pradakšn, jaki śpiecyjalizujecca na najbolš składanych žanrach žurnalistyki. BRC źjaŭlajecca čalcom Centra pa daśledavańni karupcyi i arhanizavanaj złačynnaści OCCRP. Žurnalisty BRC — łaŭreaty nacyjanalnaj premii «Volnaje słova» Biełaruskaj asacyjacyi žurnalistaŭ za rasśledavańni ŭ 2018, 2019, 2020 i 2021 hadach.
Na «Volnym słovie» u 2021 hodzie kamanda BRC atrymała pieršaje miesca ŭ katehoryi «Analityka».
Uklučeńnie łukašenkaŭskim režymam BRC u lik «ekstremisckich» arhanizacyj — całkam łahičnaje ź jahonaha punktu hledžańnia, pakolki rasśledvalniki Centra rehularna robiać i publikujuć rasśledavańni pra roznyja niepryhladnyja baki režymu, u tym liku pra finansavyja machinacyi jahonych klučavych asob, nie abychodziačy i niepasredna siamiejnikaŭ Łukašenki.
Tolki niekatoryja rasśledavańni BRC:
Šale ŭ harach i dźvie kvatery ŭ Vienie. «Kašalok Łukašenki», niahledziačy na sankcyi, zachavaŭ bahaćci ŭ Jeŭrasajuzie
Biełaruskija dziaržkliniki znoŭ staviać impartnyja pratezy. Ale dziaržava ŭsio zabrała ŭ svaje ruki
Kolki «budaŭničyja kašalki» Łukašenki vyvieli hrošaj ź Biełarusi i jak ich admyvali
Byłyja siłaviki i kryminalniki. Što za biełarusy vajujuć va Ukrainie na baku Rasii
