Stykiery, jak praviła, vykarystoŭvali asudžanyja žančyny, u jakich jość dzieci i ŭnuki. Imi jany spačatku ŭpryhožvali svaje listy z kałonii, pieratvarajučy ich u nievialikija karciny. Kali ž cenzary stali prydziracca da takoj tvorčaści, to asudžanyja prosta pieramaloŭvali vyjavy — jak praviła, hierojaŭ z mulcikaŭ. Ciapier i heta robiać dla ich niemahčymym.
Taksama žančynam raniej nie zabaraniałasia, naprykład, stykieram paznačać skrynki z praduktovaj pieradačaj, jakija zachoŭvajucca ŭ kapciorcy, abo paznačać takim čynam prynaležnaść inšych pradmietaŭ. Ciapier ža asudžanyja pazbaŭlenyja i takoha prava.
Jak pryčynu čarhovaha ŭzmacnieńnia strohaści režymu krynica z hetaj kałonii nazvała ahulnuju nastrojenaść administracyi na stvareńnie prablem asudžanym lubymi sposabami.
