Fota: Youtube video «Shift Moonwalkers Launch»
Gizmodo raspaviadaje pra cuda-boty moonwalkers («miesiacachody»). Raspracavanyja kamandaj inžynieraŭ-robatatechnikaŭ, jany vyhladajuć jak niešta padobnaje da rolikavych kańkoŭ. Ale ŭ adroźnieńnie ad katańnia na rolikavych kańkach, jakoje patrabuje nievialikaha navučańnia, moonwalkers takija ž prostyja ŭ vykarystańni, jak i ruchomyja tratuary, jakija vy možacie sustreć u doŭhim terminale aeraporta.
Kanstrukcyja z ramieńčykam dazvalaje vykarystoŭvać ich praktyčna ź luboj paraj abutku, i kožny błok maje elektraruchavik mahutnaściu 300 Vt, jaki pryvodzić u dziejańnie nabor z vaśmi poliŭretanavych kołaŭ. Koły raźmieščanyja nie ŭ adzin šerah, tamu nie patrabujecca bałansavańnie.
Fota: Youtube video «Shift Moonwalkers Launch»
Datčyki kantralujuć chadu karystalnika, u toj čas jak ałharytmy aŭtamatyčna rehulujuć mahutnaść ruchavikoŭ, sinchranizujučy kožnuju nahu, tamu dadatkovaja chutkaść pavialičvajecca i pamianšajecca ŭ zaležnaści ad taho, idzie karystalnik chutčej ci pavolniej. Šarnirny nasok zhinajecca hetak ža, jak i abutak.
Śćviardžeńnie, što «miesiacachody» mohuć pavialičyć chutkaść chady da 250 %, zasnavana na tym, što bolšaść ludziej chodzić z chutkaściu ad 4 da 6,4 km za hadzinu. «Miesiacachody» majuć abmiežavanuju maksimalnuju chutkaść 11 km u hadzinu, navat padčas chady ŭniz, i karystalniku dla poŭnaha spynieńnia spatrebicca prykładna 1 mietr. Jany taksama pryznačany dla vykarystańnia na leśvicy: śpiecyjalny žest nahami aktyvuje režym, jaki błakuje koły i nie dazvalaje im svabodna kacicca.
Dziakujučy pracy ad akumulataraŭ ciaham kala 9,5 km, jany patencyjna mohuć stać jašče adnoj alternatyvaj aŭtamabilu dla karotkich pajezdak. A pakolki jany značna mienšyja za elektryčny samakat abo rovar, ich lohka trymać za stałom ci navat u zaplečniku, kali jany nie vykarystoŭvajucca.
«Miesiacachody» nie zusim tannyja. Vytvorca Shift Robotics sprabuje danieści ich da spažyŭcoŭ z dapamohaj kraŭdfandynhavaj kampanii Kickstarter, jakaja spadziajecca sabrać 90 000 dołaraŭ dla vytvorčaści. Na hety momant partyja jašče nie hatova, ale vy možacie papiarednie zamović paru z dastaŭkaj paśla ŭniosku ŭ pamiery 999 dołaraŭ. Čakajecca, što poŭnaja roźničnaja cana na paru budzie blizkaja da 1400 dołaraŭ.
Ale pamiatajcie, što, navat kali za hetym staić kamanda talenavitych inžynieraŭ, zaŭsiody isnuje ryzyka padtrymki praduktaŭ Kickstarter, asabliva ŭ kampanii, jakaja pradstaŭlaje svaju pieršuju spažyvieckuju pryładu. Zatrymki z dastaŭkaj i vytvorčaściu praduktaŭ, jakija finansujucca z kraŭdfandynhu, a taksama mahčymaść nieviartańnia hrošaj źjaŭlajucca zvyčajnaj źjavaj u našy dni, jak i ryzyka taho, što «miesiacachody» nikoli nie buduć realizavany.
