Prezident Rasii Uładzimir Pucin i prezident Irana Ibrahim Raisi padčas sustrečy ŭ kułuarach samita Šanchajskaj arhanizacyi supracoŭnictva ŭ Samarkandzie, 15 vieraśnia 2022 h. Fota: Kremlin Pool Photo via AP
Iran abvinavačvajuć u tym, što jon pastaŭlaje Rasii ŭzbrajeńnie dla vykarystańnia jaho va Ukrainie. Pa infarmacyi Sky News, Rasija raspłačvajecca ź Iranam najaŭnymi i ŭzorami zachodnich uzbrajeńniaŭ, zachoplenych va ŭkrainskaj armii.
Ale ŭčora ŭ prahramie «Fiejhin Live» daradca ofisa prezidenta Ukrainy Alaksiej Arastovič skazaŭ, što Iran prypyniŭ pastaŭki zbroi ŭ RF.
«U dypłamatyčnych kołach chodziać čutki, što Iran nie vielmi choča davać rakiety Rasii. Im zrabili prapanovu, ad jakoj składana admovicca. I [kiraŭnik FSB Mikałaj] Patrušaŭ darma [ŭ Iran] kataŭsia. Dumaju, hety vizit vyrazna źviazany z tym, što prypynili pastaŭki zbroi pa kantrakcie», — skazaŭ jon.
