Fota: Ofis Cichanoŭskaj

Fota: Ofis Cichanoŭskaj

— Što moža źmianicca paśla taho, jak Śviatłana Cichanoŭskaja nazvała siabie abranym prezidentam Biełarusi? Jakich kankretnych źmienaŭ u staŭleńni da ofisa Śviatłany Cichanoŭskaj z boku zachodnich krainaŭ varta čakać?

— Rabić vysnovy ranavata, treba pačakać, nakolki ŭstojliva budzie vykarystoŭvacca Śviatłanaj Cichanoŭskaj hetaje vyznačeńnie — «abrany prezident». Kali heta budzie zamacavana, to možna budzie rabić peŭnyja vysnovy.

Jakija? Pierš za ŭsio heta padvyšeńnie palityčnych stavak kamandaj Cichanoŭskaj. Źviazana heta najpierš z tym, što izalacyja Łukašenki z boku Zachadu pavialičvajecca, i na Zachadzie ŭžo nie dumajuć pra toje, kab naładzić adnosiny z Łukašenkam (a takaja iniercyja była zaŭvažnaja jašče ŭ 2020-m i navat u 2021 hadach). Na fonie ŭzmacnieńnia represij i suahresii režymu Łukašenki ŭ vajnie ŭsio bolšaja ŭvaha budzie źviartacca na alternatyŭnyja siły, jakija Zachad razhladaje jak partnioraŭ dla padtrymki, supracoŭnictva, ekśpiertyzy. Tut svajo miesca zajmaje pierachodny kabiniet, jaki pakul nielha nazvać sapraŭdnym uradam u vyhnańni, ale jaki ŭžo pierajmaje hety funkcyjanał. I heta ŭžo zusim inšaja palityčnaja ambicyja ŭ płanie stvareńnia paralelnych palityčnych struktur.

— Ci možna ŭ hetaj tendencyi pabačyć imknieńnie padšturchnuć Zachad da bolš aktyŭnych dziejańniaŭ? Cichanoŭskaja ŭ svaim artykule nazyvaje Łukašenku kryminalnikam, jaki zachapiŭ uładu, i zaklikaje stavicca da jaho adpaviedna. Ci možna čakać, što niekatoryja dziaržavy buduć prymać Cichanoŭskuju mienavita ŭ statusie abranaha prezidenta — i heta, adpaviedna, budzie vyklikać niervovuju reakcyju Minska, mahčyma, razryŭ dypłamatyčnych adnosin?

— Nie, ja dumaju, mienavita da hetaha pakul daloka. Abrany prezident — heta čałaviek, jaki byŭ abrany, ale nie ŭstupiŭ u paŭnamoctvy. Paŭnamoctvy zjaŭlajucca paśla taho, jak abrany prezident prynosić prysiahu i zajaŭlaje, što prymaje hetyja paŭnamoctvy. Hetaha nie było, tak što zaraz zroblena tolki paŭkroka da taho, kab byli padstavy zamiežnym dziaržavam pryznavać Cichanoŭskuju jak abranaha prezidenta.

Pakul što, mnie padajecca, razmova idzie pra toje, kab pavialičyć svaju miedyjnuju lehitymnaść, kab čarhovy raz nahadać, što była pieramoha na vybarach, što Łukašenka prajhraŭ. Ale ci idzie razmova pra realnaje žadańnie ŭstupić u hetyja paŭnamoctvy — pakul pra heta ciažka kazać.

— Ale, mahčyma, hetyja dziejańni ofisa Cichanoŭskaj nakiravanyja na budučyniu, na toj całkam mahčymy varyjant, kali minski režym budzie prymušany ŭstupić u vajnu suprać Ukrainy svaimi vojskami? I tady jaje status jak abranaha prezidenta źmienicca i budzie adpaviadać situacyi vajny?

— Hetaha nielha vyklučać, i heta sapraŭdy moža stać nastupnym etapam, kali situacyja ŭ rehijonie jašče bolš abvostrycca. Kali ž adšturchoŭvacca ad ciapierašnich realijaŭ, to maksimum niekalki krain našaha rehijona mohuć pryznać jaje ŭ takoj roli. Nu a ŭ vypadku radykalnaj vajennaj eskałacyi, mahčyma, heta i stanie asnoŭnym trendam. Adnak nie zusim zrazumieła, što heta moža prynieści ŭ praktyčnym płanie.

— Ci ličycie vy, što hetaja zajava stała peŭnym adkazam na patrabavańni aktyŭnaj častki biełaruskaha hramadstva, jakaja čakaje niejkich bolš aktyŭnych krokaŭ ad Cichanoŭskaj?

— Ja, ščyra kažučy, liču, što hetaja zajava bolš nakiravanaja na zachodniuju publiku, čym na biełaruskuju. Naŭrad ci jana była raźličana na ŭnutrypalityčnuju reakcyju jak adkaz na radykalizacyju peŭnaj častki hramadstva. Usio ž asnoŭnaj aŭdytoryjaj byli zachodnija palityki i zachodniaja hramadskaja dumka. Zaraz uzmacnieńnie pazicyj budzie bolš zaŭvažnym dla tych, chto zajmajecca biełaruskaj temaj na Zachadzie. 

— Vy na pačatku intervju kazali, što rana rabić vysnovy, maŭlaŭ, treba pačakać, ci stanie hetaje vyznačeńnie — abrany prezident — ustojlivym. Adnak chiba jość mahčymaść «adkrucić nazad»? Kali takaja zajava ŭžo zroblena, to dalej treba pravodzić i nastupnyja kroki — inaŭhuracyju i hetak dalej?

— Ja dumaju, što zajava ŭ artykule, jaki zjaviŭsia ŭ adnym vydańni, — heta jašče nie toje, što nielha adkacić nazad. Mohuć užyvacca paralelna i inšyja vyznačeńni, možna bałansavać pamiž imi. Kali b było abvieščana niejkaje rašeńnie praz peŭnuju praceduru, to «adkacić» takoje było b užo ciažej. Pakul ža heta tolki zajava ŭ artykule, jakaja nie padmacavanaja niejkimi kankretnymi dziejańniami.

Клас
21
Панылы сорам
5
Ха-ха
1
Ого
0
Сумна
0
Абуральна
3