Śledčy kamitet raskazaŭ padrabiaznaści rasśledavańnia kryminalnaj spravy ŭ dačynieńni da 33-hadovaha žychara Pinska, jaki abvinavačvajecca ŭ zamachu na zabojstva dvuch čałaviek, a taksama ŭciahvańni ŭ złačynstva svajho 11-hadovaha syna.

Zdareńnie adbyłosia 5 lipienia. Kampanija mužčyn doma raśpivała śpirtnoje. Uviečary pamiž haspadarom žylla i znajomymi zaviazaŭsia kanflikt, padčas jakoha haspadar źbiŭ 37-hadovaha hościa, naniosšy nie mienš za 18 udaraŭ pa hałavie i ciele. Da ich dałučyŭsia chłopčyk, jaki ŭdaryŭ hościa kala 40 razoŭ.

Dalej mužčyna ŭziaŭ pnieŭmatyčnuju strelbu, syn prynios jamu kuli, i ź blizkaj adlehłaści mužčyna rasstralaŭ dvuch haściej.

Kali paciarpiełyja stracili prytomnaść, abvinavačany vyklikaŭ chutkuju miedycynskuju dapamohu.

Dalej jon pasprabavaŭ zamiaści ślady złačynstva, schavaŭ strelbu, a taksama staŭ akazvać psichałahičny cisk na paciarpiełych, kab jany maŭčali. Supracoŭniki milicyi zatrymali mužčynu.

Pryčym u domie byli zapisy z kamier videanazirańnia, na jakich byŭ bačny sam praces rasstrełu i toje, jak baćka razam z synam źbivajuć achviaru.

Abvinavačany vinu nie pryznaŭ i ad dačy pakazańniaŭ admoviŭsia, usialak procidziejničaŭ śledstvu i akazvaŭ cisk na paciarpiełych, kab jany davali pakazańni, što kanflikt adbyŭsia pa ich vinie i pretenzij da kryŭdziciela nie majuć.

Mužčynu vystaŭlenaje abvinavačvańnie pa č. 1 art. 14 i č. 2 art. 139 (zamach na zabojstva dvuch asob, z asablivaj žorstkaściu, hrupaj asob) i č. 3 art. 172 (uciahvańnie zaviedama niepaŭnaletniaha ŭ ździajśnieńnie asabliva ciažkaha złačynstva) Kryminalnaha kodeksa Respubliki Biełaruś. Z sankcyi prakurora da jaho ŭžytaja miera strymańnia ŭ vyhladzie zaklučeńnia pad vartu.

Клас
0
Панылы сорам
13
Ха-ха
1
Ого
2
Сумна
3
Абуральна
5