Valeryj Hnizałub. Fota BiełTA

Valeryj Hnizałub. Fota BiełTA

Pa słovach Hniłazuba, razhornutyja ŭ sumiežnych krainach farmiravańni NATA mohuć stać asnovaj dla stvareńnia ŭdarnych hrupovak suprać Rasii i Biełarusi jak jaje najbližejšaha sajuźnika.

«U intaresach hetaha z metaj pašyreńnia mahčymaściaŭ pa pryjomie i raźmiaščeńni voinskich farmiravańniaŭ abjadnanych uzbrojenych sił NATA na terytoryi sumiežnych dziaržaŭ ŭdarnymi tempami raźvivajecca vajennaja infrastruktura. Siońnia praktyčna zavieršana madernizacyja bolšaści aeradromaŭ Polščy i krain Bałtyi, što zabiaśpiečvaje bazavańnie na ich da 200 bajavych samalotaŭ», — śćviardžaje vajskoviec.

Hniłazub taksama zajaviŭ, što ŭdarnymi tempami idzie militaryzacyja susiednich dziaržaŭ, pierš za ŭsio Respubliki Polšča.

«Heta palityčny kurs, jaki vidavočna pakazvaje na padrychtoŭku Varšavy da vajny, pryčym nie abarončaj, jak heta sprabuje pradstavić polskaje vajskova-palityčnaje kiraŭnictva. Nie vypadkova jano płanuje pavysić vajennyja raschody da ŭzroŭniu nie mienš za 3% ad VUP i davieści kolkaść nacyjanalnych uzbrojenych sił da 300 tysiač čałaviek. U ramkach vykanańnia ahučanych płanaŭ pa pavieličeńni uzbrojenych sił Polščy pačałasia padrychtoŭka pa farmiravańni nie adnoj, a dvuch dadatkovych miechanizavanych dyvizij suchaputnych vojskaŭ. Pry hetym raźmiaščacca dadatkovaja dyvizija budzie va ŭschodniaj častcy krainy, pobač ź Biełastokam», — padkreśliŭ vajskovy načalnik.

Клас
0
Панылы сорам
5
Ха-ха
13
Ого
1
Сумна
0
Абуральна
0