Stołtenbierh vykazaŭ zdahadku, što snarad, jaki ŭpaŭ u Pševoduvie, byŭ vypuščany ŭkrainskaj sistemaj SPA, takoje ž mierkavańnie vykazaŭ siońnia prezident Polščy Andžej Duda, a da jaho — pradstaŭniki Maskvy i Vašynhtona. Zrešty, hienieralny sakratar NATA skazaŭ, što dla kančatkovych vysnoŭ treba dačakacca vynikaŭ rasśledavańnia.

Kali rakieta sapraŭdy ŭkrainskaja, NATA nie budzie vystaŭlać Kijevu nijakich pretenzij, paabiacaŭ Stołtenbierh, bo vajnu raźviazała Maskva, a Ukraina tolki abaraniajecca ad źniešniaj ahresii.

«Heta nie vina Ukrainy; u kančatkovym vyniku adkaznaść [za toje, što adbyłosia] niasie Rasija, jakaja praciahvaje vieści niezakonnuju vajnu suprać Ukrainy», — rastłumačyŭ hienieralny sakratar.

Stołtenbierh taksama padkreśliŭ, što z-za incydentu ŭ Polščy krainy NATA nie majuć namieru zadziejničać artykuł 4 Paŭnočnaatłantyčnaha dahavora, u jakim prapisany miechanizm reahavańnia na źniešniuju pahrozu.

Pa słovach Stołtenbierha, sajuźniki pa NATA vykazali «rašučuju padtrymku» svajmu sajuźniku Polščy i «hłybokija spačuvańni ŭ suviazi z trahičnaj hibiellu ludziej» paśla vybuchu rakiety.

Клас
2
Панылы сорам
5
Ха-ха
2
Ого
2
Сумна
0
Абуральна
0