«Zamiežnaha finansavańnia nie znajšli, ale, pakolki jon davaŭ intervju zamiežnym žurnalistam, heta paličyli zamiežnym upłyvam. Nibyta jany dali jamu placoŭku dla raspaŭsiudžvańnia dumki», — skazaŭ Pieradruk, jaki pieradaŭ kopiju mierkavańnia Miniusta žurnalistam.

Makarevič staŭ pieršym, kaho ŭklučyli ŭ śpis zamiežnych ahientaŭ nie za finansavańnie, a praz «zamiežny ŭpłyŭ», adznačaje juryst Pavieł Čykaŭ. Zakon, pa jakim zamiežnym ahientam zmohuć abviaścić luboha, chto znachodzicca pad «zamiežnym upłyvam», ustupaje ŭ siłu 1 śniežnia.

U vypadku Makareviča «zamiežnym upłyvam» Miniust paličyŭ jaho sakavickija intervju ŭkrainskamu žurnalistu Dźmitryju Hardonu i telekanału «Dožd́», dzie jon u pryvatnaści vykazvaŭsia pra vajnu va Ukrainie. Taksama Miniust zajaviŭ, što Makarevič u svaim telehram-kanale sistematyčna raspaŭsiudžvaje niehatyŭnyja kamientary ab rašeńniach rasijskich uładaŭ, abvinavačvaje ich u vajennych złačynstvach i atajasamlivaje sučasnuju Rasiju i nacysckuju Niamieččynu.

Pa stanie na 26 listapada 2022 hoda, va ŭsie piać śpisaŭ zamiežnych ahientaŭ, jakija farmiruje Miniust, uklučany bolš za 340 hramadzian, ŚMI, niekamiercyjnych arhanizacyj i hramadskich abjadnańniaŭ. Status zamiežnaha ahienta abaviazvaje siarod inšaha štokvartalna davać spravazdaču ab ruchu srodkaŭ na asabistych rachunkach i markiravać usie publičnyja paviedamleńni. Za pamyłki ŭ spravazdačy abo adsutnaść markiroŭki pahražaje pakarańnie až da pazbaŭleńnia voli.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?