Fota: pixabay.com
Šafy-kupe
Kłasičnyja šafy-kupe z rassoŭnymi dźviaryma bolš nie ŭ modzie, śćviardžajuć dyzajniery. Heta tyčycca tych madelaŭ, dzie dźviery raźmieščanyja na roznych linijach, pierachod jakich nadaje kanstrukcyi nieestetyčny vyhlad. Taksama z mody vyjšli šafy-kupe ź lustranymi dźviaryma.
Budučyja trendy zaklikajuć nas znoŭ viarnucca da dvuchstvorkavych šaf z adnatonnymi dźviaryma.
Fota: pxhere.com
Aksamitnaja i padšyvanaja mebla
Kłasičnyja carskija interjery z padšyvanaj i aksamitnaj meblaj užo nieaktualnyja. Sučasnyja trendy dyzajnu prymušajuć nas źviarnuć uvahu na praktyčnaść i funkcyjanalnaść mebli, a nie na pampiezny źniešni vyhlad.
Aksamitnyja kanapy i pufy dyzajniery rekamiendujuć zamianić na ekałahičnyja i prostyja ŭ dohladzie materyjały, naprykład, vielur ci štučnuju skuru, pry hetym lepš addavać pieravahu minimalistyčnamu dyzajnu i pakłapacicca ab tym, kab kanapa była zručnaja dla adpačynku.
Fota: pixabay.com
Mietaličnyja nožki i pieraharodki
Mebla na mietaličnych nožkach taksama sychodzić u minułaje. Pavodle dyzajnieraŭ, jaje stała zanadta šmat, a kali byvaje niečaha zanadta šmat, heta chutka sychodzić. Da taho ž, vielmi časta vytvorcy kuplajuć adnolkavuju furnituru.
Čysty styl
U 2023 hodzie varta admovicca ad čystaha stylu ŭ interjery. Minimalizm, kłasika, łoft, chaj-tek syšli ŭ minułaje, na źmienu čystamu stylu prychodzić vaša indyvidualnaść, kamfort i pačućcio, jak vy budziecie adčuvać siabie doma. Tamu varta źmiešvać roznyja materyjały, pradmiety mebli i dekor. Dla źmiakčeńnia bietonnych ścien u łofcie aktualnym budzie futurystyčnaja mebla. A dla minimalistyčnaha interjera — mebla ŭ styli 70—80-ych hadoŭ, jakaja nahadaje minułaje.
Fota: pixabay.com
Nie varta taksama kuplać adziny harnitur, jak i vykarystoŭvać u interjery łožak, tumbački, kamody, stoliki ad adnaho vytvorcy — adnolkavyja pa styli, zroblenyja z adnych materyjałaŭ, u adnoj kalarovaj hamie. Kali vy tolki nie płanujecie rabić dyzajn-prajekt u styli minimalizm.
Masiŭ i hlaniec
Vielizarnyja stalnicy z ekzatyčnych hatunkaŭ dreva taksama sychodziać u minułaje. U jakaści zamieny — špon, MDF z afarboŭkaj, ź jakimi značna praściej pracavać. Bolš za toje, hetyja materyjały raźviejvajuć mif ab tym, što dobraja mebla moža być zroblena vyklučna z dreva.
U minułaje sychodzić «vysoki hlaniec», asabliva dyzajn interjera ŭ styli chaj-tek. U sučasnych rašeńniach mebla ź bliskučym pakryćciom bolš nieaktualnaja, śćviardžajuć dyzajniery.
Kruhłyja śviacilni i lustry-pavuki
Kropkavaje śviatło nie tracić svajoj papularnaści, a voś kłasičnyja kruhłyja śviacilni ŭ šeraj ramcy ŭžo ličacca pieražytkam minułaha. Ich možna zamianić na stoli z patajemnymi kišeniami dla padśviatleńnia.
Fota: pixabay.com
Jak i bolšaść pradmietaŭ stylu łoft, lustry-pavuki hublajuć svaju aktualnaść. Varta zamianić ich stylnymi zakrytymi śviacilniami ŭ minimalistyčnym styli. Płafony pavinny być matavymi. Pažadana, kab asnoŭnaja krynica śviatła była adna. A kab adna lampa mahła aśviatlić vialikuju prastoru, vykarystoŭvajcie biełaje śviatło.
Jarkija prynty i dyskamfort
Jarkaja mebla i bahaćcie pryntaŭ — jašče adzin antytrend u dyzajnie mebli. «Da prykładu, nie varta spałučać u adnym dyzajn-prajekcie žoŭty, zialony, ružovy i hetak dalej. Takoje spałučeńnie zrobić vaš interjer kidkim i niedarečnym. Siudy ž možna adnieści i bahaćcie pryntaŭ.
Fota: pxhere.com
Pryhožaja, ale niazručnaja mebla taksama zusim nieaktualnaja. Časam navat viadomyja brendy pamylajucca, kali admaŭlajucca ad kamfortu z-za vizualnaj pryhažości. Paśla pandemii ludzi asabliva zacikavilisia kamfortam svaich damoŭ. «Tamu staŭka na erhanomiku i kamfort vielmi vysokaja. Jakaść i funkcyjanalnaść, aktualnaść praz čas — voś pra što varta pamiatać», — raić dyzajnier.
i maja niekali (daŭno-daŭno) lubaja NN padchapiła hetu ,,madnuju,, prystaŭku anty-
i
spasyłajecca na RBK...
Oo