Viačorka skazaŭ nastupnaje:
«Siońnia ja razmaŭlaŭ pra heta ź ministram [zamiežnych spraŭ Litvy] Łandśbierhisam. Toje, što nibyta režym zhadziŭsia na tranzit zbožža biez palityčnych umoŭ — heta vynik skaardynavanaj pazicyi mižnarodnaj supolnaści i našych sajuźnikaŭ. Raniej režym vystaŭlaŭ ultymatum: źniaćcie sankcyj u abmien na tranzit zbožža.
Zrešty, pakul rana kazać, ci sapraŭdy tranzit budzie adbyvacca. My viedajem, čaho vartyja słovy režymu — siońnia słova daŭ, zaŭtra ŭziaŭ. Jość taksama pytańnie, jakim čynam jano budzie dastaŭlacca. Čyhunačnaje złučeńnie parušanaje.
Pra źniaćcie inšych sankcyj nie idzie havorki. Absalutna niedapuščalna zdymać sankcyi, pakul režym nie vykanaŭ nivodnaj umovy, represii tolki ŭzmacniajucca, a Biełaruś usio bolš uciahvajuć u vajnu».
Raniej ministr zamiežnych spraŭ Litvy Habryelus Łandśbierhis prakamientavaŭ prapanovu Biełarusi, jakaja prahučała ŭ AAN, ab tranzicie ŭkrainskaha zbožža ŭ litoŭskija party. Ministr ličyć taki varyjant mahčymym, kali ź im nie buduć źviazanyja nijakija palityčnyja ŭmovy.
Čytajcie taksama:
Litva dapuściła pieravozku ŭkrainskaha zbožža praź Biełaruś, ale biez palityčnych umoŭ
"- Kali Ukraina pryznaje jaje ahulnanacyjanalnym lidaram Biełarusi? Aficyjna.
- Ja dumaju, kali Łukašenka ŭviadzie vojski, biełaruskija vojski va Ukrainu, hetyja pracesy paskoracca, i tady Ukraina moža pryznać Cichanoŭskuju i pajści joj nasustrač." - viačorka.
jon što - moža navat žadaje, kab Biełaruś uviała vojski? jon što - zusim ku-ku?