Novy štraf źjaviŭsia za «nieŭkazańnie ŭ tavarna-transpartnaj nakładnoj abo tavarnaj nakładnoj źviestak, źviazanych z ustalavańniem cen na tavary, u dačynieńni da jakich ažyćciaŭlajecca dziaržaŭnaje rehulavańnie cen, a taksama ŭkazańnie ŭ takich dakumientach niedakładnych źviestak, źviazanych z ustalavańniem cen na nazvanyja tavary».

Štraf składaje da 20 bazavych vieličyń (ciapier — da 640 rubloŭ), dla IP ci jurasoby — u pamiery da 10% sumy hrašovaj acenki haspadarčaj apieracyi, ukazanaj u dakumientach.

Zakon ustupić u siłu praz 10 dzion.

U hetaj redakcyi KaAP jość štrafy za parušeńni paradku farmiravańnia cen z boku IP ci słužbovych asob kampanij, za pieravyšeńnie fiksavanych cen, cenavych stolaŭ abo hraničnych nadbavak, za prodaž peŭnych tavaraŭ (akazańnie pasłuh) biez ekanamičnych raźlikaŭ, jakija paćviardžajuć uzrovień adpusknych cen, ci za parušeńnie paradku rehistracyi cen.

Клас
0
Панылы сорам
0
Ха-ха
0
Ого
0
Сумна
0
Абуральна
2