Pašyrany kłubny čempijanat śvietu FIFA z udziełam 32 kamand pavinien pačacca ŭ červieni 2025 hoda (paśla pieranosu pieršapačatkovaha turniru z udziełam 24 kamand, zapłanavanaha na 2021 hod). Turnir budzie pravodzicca kožnyja čatyry hady.
«My chočam zrabić hetaje spabornictva padobnym da čempijanatu śvietu», — skazaŭ kiraŭnik FIFA Džani Infancina na pres-kanfierencyi arhanizacyi.
Na hety momant kłubny čempijanat śvietu pravodzicca štohod i ŭ im udzielničaje ŭsiaho 7 kamand — 6 pieramožcaŭ kantynientalnych kanfiederacyj (Lih čempijonaŭ) i čempijon krainy, jakaja prymaje.
Taksama FIFA zapuścić novy turnir, «kab pavialičyć mahčymaści kamand z roznych kanfiederacyj hulać adna z druhoj». Turnir atrymaŭ nazvu «Suśvietnaja sieryja FIFA» i budzie pravodzicca ŭ sakaviku pa cotnych hadach. U im buduć prymać udzieł 4 kamandy z roznych futbolnych kanfiederacyj.
Akramia taho, anansavana stvareńnie žanočaha kłubnaha čempijanatu śvietu FIFA.
