Fota: Jeffrey T. Barnes / AP

Fota: Jeffrey T. Barnes / AP

Akruha Ery ŭ Ńju-Jorku, u jaki ŭvachodzić Bafała, — adzin z najbolš paciarpiełych ad zaviei rajonaŭ. Bolš za 4000 čałaviek tut zastajucca biez elektryčnaści.

U Bafała dziejničaje zabarona na karystańnie asabistym transpartam, a da kiravańnia darožnym rucham pryciahnutaja vajennaja palicyja.

Kamisar palicyi Bafała Džozef Hrahmalija zajaviŭ, što ŭ horadzie adznačany vypadki maradziorstva. Na hety momant zatrymanyja čatyry čałavieki.

«Heta nie tyja ludzi, jakija kraduć ježu, leki i padhuźniki, — skazaŭ jon. — Jany raźbivajuć kramy. Jany kraduć televizary, kanapy, usio, što ŭ ich atrymlivajecca dastać. Jany karystajucca situacyjaj».

Niezvyčajna mocnyja marazy i vialikaja kolkaść apadkaŭ nazirajucca ŭ apošnija dni ŭ mnohich amierykanskich štatach.

Usiaho ŭ ZŠA z-za chałodnaha nadvorja zahinuła, prynamsi, 62 čałavieki.

Aficyjnyja asoby zajavili, što ŭmovy palapšajucca: u aŭtorak vypała vielmi mała śniehu, a ŭ najbližejšy čas čakajecca nievialikaje paciapleńnie.

Adnak prahnazujecca, što kolkaść zahinułych budzie raści pa miery praciahu pošukavych rabot.

Raniej mer Bafała Bajran Braŭn zajaviŭ, što niekatoryja ludzi apynulisia ŭ pastcy, kali na harady abrynułasia samaja mocnaja zavirucha ŭ ich žyćci.

Prezident ZŠA Džo Bajden u paniadziełak zaćvierdziŭ nadzvyčajnaje stanovišča, jakoje dazvalaje akazać fiederalnuju padtrymku štatu Ńju-Jork. «Majo serca z tymi, chto straciŭ blizkich u hetyja śviatočnyja vychadnyja», — napisaŭ jon u tvitary.

Susiedni štat Ńju-Džersi taksama nakiravaŭ ekstrannyja słužby ŭ štat Ńju-Jork dla akazańnia dadatkovaj dapamohi.

«Heta jak pajezdka ŭ zonu bajavych dziejańniaŭ, mašyny pa abočynach daroh jeduć», — kaža hubiernatar štata Keci Chokuł, uradženka Bafała.

Jana dadała, što mnohija mašyny ekstrannych słužbaŭ nie zmahli dabracca da najbolš paciarpiełych rajonaŭ abo sami zaviaźli ŭ śniezie.

Клас
0
Панылы сорам
0
Ха-ха
0
Ого
0
Сумна
4
Абуральна
0