Praca mietro 31 śniežnia, a taksama 1, 2, 7 i 8 studzienia budzie prachodzić pa hrafiku niadzieli.
Što tyčycca navahodniaj nočy, to mietrapaliten budzie prymać pasažyraŭ da čatyroch hadzin ranicy, a stancyi «Niamiha», «Kastryčnickaja» i «Kupałaŭskaja» začyniać svaje dźviery ŭ 04:15.
Ale pierapynak budzie zusim nievialiki: užo 1 studzienia 2023 hoda Minski mietrapaliten adnović svaju pracu ŭ zvyčajny čas — 05:30 ranicy.
Adznačajecca, što ŭ Novy hod ciahniki mietro pa pieršaj i druhoj linii buduć chadzić ź intervałam u šeść chvilin, a voś na treciaj daviadziecca pastajać 10 chvilin.
U svaju čarhu «Minsktrans» paviedamlaje, što praca pasažyrskaha transpartu ŭ noč z 31 śniežnia na 1 studzienia, a paśla i dniom budzie prachodzić pa hrafiku niadzieli.
Akramia taho, u suviazi z prahnazujemym źmianšeńniem kolkaści pasažyraŭ, było pryniata rašeńnie da 14:00 admianić aŭtobusnyja maršruty № 51, 71 i tralejbusny № 60. Da 10:00 u pieršy dzień 2023 hoda nie buduć chadzić tralejbusy № 47, 51, a taksama aŭtobus № 60 i čaćviorty tramvajny maršrut.
Padobnaje rašeńnie ab admienie da 11:00 1 studzienia było pryniata i ŭ dačynieńni da maršrutu aŭtobusa № 119S.
Taksama budzie časova admienieny jašče šerah maršrutaŭ, a na niekatorych ź ich skarociać kolkaść transpartu. Bolš padrabiazna z hetymi źmienami možna aznajomicca na sajcie «Minsktransa».
