Šmathadovy staršynia Biełaruskaha dobraachvotnaha tavarystva achovy pomnikaŭ historyi i kultury
Słuchańnie pa spravie ab likvidacyi abjadnańnia pa raskładzie projdzie 10 studzienia ŭ Viarchoŭnym Sudzie, pazoŭ ab hetym padało Ministerstva justycyi. Praces budzie vieści sudździa Kaciaryna Jakutovič.
Biełaruskaje dobraachvotnaje tavarystva achovy pomnikaŭ historyi i kultury — adna z najstarejšych kulturna-histaryčnych arhanizacyj u Biełarusi: jana była zasnavanaja jašče ŭ 1966 hodzie. Spačatku dziejničała jak dziaržaŭna-hramadskaja inśpiekcyja pa achovie historyka-kulturnaj spadčyny i fond, jaki finansavaŭ restaŭracyju šmatlikich pomnikaŭ, u tym liku Safijskaha sabora ŭ Połacku, kalvinisckich zboraŭ u Zasłaŭi i Smarhoni.
Paśla tavarystva stała całkam niezaležnym ad dziaržavy abjadnańniem. Jano, u pryvatnaści, zmahałasia suprać znosu roznych histaryčnych abjektaŭ i vykazvała prapanovy pa ich uklučeńni ŭ śpis kulturnych kaštoŭnaściaŭ. Z 2007 hoda staršynioj arhanizacyi źjaŭlajecca historyk-etnołah i kulturołah Anton Astapovič.
