Biełaruskamoŭnyja efiry

Na «Biełsacie» 31 śniežnia pakažuć niekalki cikavych filmaŭ, a taksama fajnyja kancerty da samaj navahodniaj ranicy. Dzieci mohuć pabačyć tematyčnyja multfilmy «Dzie toj Novy hod?» (08:30), «Anča i Pepik» (08:55), «Dvanaccać miesiacaŭ» (15:10) i «Niazvykły los Ameli Pulon» (17:55). Udzień taksama pakažuć dakumientałku «Stynh: svabodny čałaviek» (16:55).

Što da viečarovaj prahramy, to śviatočny kancert na kanale pačniecca ŭ 22:45, a ŭ 23:45 budzie navahodni zvarot da biełarusaŭ ad Śviatłany Cichanoŭskaj. U poŭnač, adrazu paśla boju kurantaŭ, prahučyć himn BNR «My vyjdziem ščylnymi radami» ŭ vykanańni Volnaha choru, a potym pačniecca film-kancert «Narodny albom. 20 hadoŭ» pra jubilej kultavaha muzyčnaha prajektu siaredziny 90-ch.

U 01:35 hledačam pakažuć Belsat Music Live, a pačynajučy z 02:20 śviatkavać Novy hod prapanujuć pad kancert «Krambambuli». U 04:00 pačniecca navahodniaje šou «Partyzanski Novy hod», a ŭ 05:30 — «Navahodni film-kancert: viartańnie dadomu».

Svoj žyvy efir u navahodniuju noč prapanuje «Małanka Miedyja». U hetym strymie supracoŭniki kanała abiacajuć ahučyć tekstavyja pažadańni hledačoŭ ci prademanstravać videapaštoŭki. Dasyłać ich možna ŭ dyrekt u lubych sacsietkach kanała abo ŭ telehram-bot @Malanka_inbox_bot.

Ukrainskija kanały

Kali nie chočacca hladzieć biełaruskaje dziaržaŭnaje telebačańnie, možna źviarnucca da ŭkrainskaha. Naprykład, kanał 1+1 pakaža 31 śniežnia usie piać častak kultavaj kaladnaj historyi «Adzin doma», pačynajučy z 13:15 (tut i dalej pryvodzim kijeŭski čas — na adnu hadzinu nazad ad biełaruskaha). Praŭda, sieryi buduć iści ŭ niezvyčajnym paradku: spačatku «Adzin doma-5», potym čaćviorty i treci film u sieryi, i tolki paśla hetaha — pieršy i druhi. U 22:00 pačniecca navahodni «Viačerni kvartał», a apoŭnačy (1:00 pa biełaruskim časie) — kancert «Ty nie adzin». Dalej u 03:10 pakažuć kancert Džamały.

Inšy papularny ŭkrainski kanał, STB, pryśviacić 31 śniežnia dobramu kino. Z taho, što varta ŭvahi, adznačym «Chroniki Narnii: Leŭ, viadźmarka i płacianaja šafa» (18:00) i «Chroniki Narnii: Prync Kaśpijan» (20:51). Poŭnač možna sustreć za prahladam niatlenki «Brus Usiomahutny» (23:48).

Jašče adzin varyjant — kanał TIET. Jak i ŭ minułych vypadkach, vam tut pakažuć navahodni «Viačerni kvartał» i kaladny viečar «Ty nie adzin», ale ž jašče tut budzie ažno piać viersij lehiendarnaha multfilmu «Lednikovy pieryjad» (pačynajučy z 13:30). 

Ale ž vy i sami zaŭsiody možacie zładzić sabie kina-viečar zamiest prahladaŭ telebačańnia. Cikavuju padborku možna znajści tut.

Kali vy nie lubicie siadzieć doma, možna naviedać navahodni kancert u Fiłarmonii abo ŭ Vialikim teatry, ci zazirnuć na viečarynu ŭ šmatlikija kłuby horada abo alternatyŭnyja tusovačnyja łakacyi. Zhadajem dźvie z apošnich: Dogma na Kujbyšava, 22 (pačatak a 22-j) i Modul na Kastryčnickaj 16/3 (pačatak a 2-j hadzinie nočy).

«Jość adčuvańnie, što nastupny hod moža być lepšy». Viadomyja biełarusy — pra strachi i nadziei na 2023-ci

Kudy zadanacić zamiest padarunkaŭ? Voś vam sotnia idej

Babka ad Azarava i zakuski ad Džypsinkova. Palityki i sielebryci padzialilisia śviatočnymi receptami

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?