Fota: Josh Funk / AP

Fota: Josh Funk / AP

Zajava raspaŭsiudžanaja paśla źjaŭleńnia ŭ kancy śniežnia infarmacyi pra śmierć hramadzianina Paŭdniovaj Karei ad amiobnaha mieninhaencefalitu — śmiarotnaj chvaroby, vyklikanaj Niehleryjaj Foŭlera, — paśla viartańnia ŭ krainu z turystyčnaj pajezdki ŭ Tajłand.

U zajavie Departamient paćviardžaje fakt hibieli hramadzianina Paŭdniovaj Karei ad amiobnaha mieninhaencefalitu i toj fakt, što karejski hramadzianin niezadoŭha da śmierci naviedvaŭ Tajłand. Departamient vykazvaje hłybokija spačuvańni siamji zahinułaha. Tym nie mienš, śpiecyjalisty departamienta nahadvajuć, što zaražeńni amiobnym mieninhaencefalitam adbyvajucca ŭ śviecie nadzvyčaj redka, a hieahrafija zaražeńniaŭ abmiažoŭvajecca nie tolki Tajłandam, ale i azijackim kantynientam:

amioba Niehleryja Foŭlera sustrakajecca va ŭsich krainach, dzie jość pryrodnyja vadajomy z presnaj vadoj, jakija razahravajucca ŭ ciopły čas hoda da tempieratur ad 25 da 32 hradusaŭ. Usiaho ŭ śviecie za ŭsiu historyju nazirańniaŭ ad zaražeńnia «amiobaj, jakaja jeść mozh», zahinuli niekalki sotniaŭ čałaviek, havorycca ŭ zajavie.

«Za apošnija 40 hadoŭ (z 1982 pa 2021 hady) u Tajłandzie byli vyjaŭlenyja 17 vypadkaŭ zachvorvańnia, ź ich 14 apynulisia śmiarotnymi. Z 17 chvorych 16 byli hramadzianami Tajłanda, adzin — hramadzianinam Narviehii», — taksama havorycca ŭ dakumiencie.

Departamient kantrolu zachvorvańniaŭ taksama źviartaje ŭvahu nasielnictva na čatyry prostyja sposaby prafiłaktyki zachvorvańnia:

— paźbiahać kupańnia, tym bolš nyrańnia i apuskańnia pad vadu ŭ zabrudžanych pryrodnych presnavodnych vadajomach;

— paźbiahać traplańnia vady ŭ nos pry znachodžańni ŭ/na pryrodnych vadajomach, pra čyściniu jakich niama dakładnaj infarmacyi, a pry traplańni vady ŭ nos — chutka, ź siłaj vysmarkacca;

— u vypadku traplańnia vady ŭ nos pramyć nos kipiačonaj vadoj z dadańniem soli;

— pry źjaŭleńni paśla kantaktu z presnaj vadoj u pryrodnaj krynicy simptomaŭ hałaŭnoha bolu, młosnaści, straty niuchu, terminova źviarnucca da doktara i raskazać jamu z usimi padrabiaznaściami pra papiarednija piać-siem dzion i toje, jaki kantakt z presnaj vadoj byŭ u vas u hety čas.

«Kali zaražeńnie amiobnym mieninhaencefalitam vyjavić na samych rańnich stadyjach, chvaroba paddajecca lačeńniu», — havorycca ŭ zajavie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?