Alaksiej Ramanovič. Fota: sacyjalnyja sietki
Zavuć chłopcaŭ Alaksiej Ramanovič i Andrej Januk.
«Jany žyli razam u adnym internacie, u roznych pakojach na adnym paviersie. Aryštavali ich, nakolki viedajem, na vulicy. Adzin ź ich niepaŭnaletni. Taksama nieviadoma, ci byŭ niejki vobšuk u ich u pakojach u internacie», — raskazali u «Volnym prafsajuzie BDU».
Mahčyma, siłaviki manitoryli sacsietki studentaŭ i pryjšli z-za niekatorych dopisaŭ.
Paśla zatrymańnia studentaŭ na histfaku BDU administracyja zładziła schod u internacie № 1, na jakim prysutničali studenty fakulteta i supracoŭniki Śledčaha kamiteta.
«Pra što SK kazaŭ? Pra parnahrafiju, narkotyki, ekstremizm. Pasył supracoŭnikaŭ SK byŭ u tym, što hetych studentaŭ uziali za raspaŭsiudžvańnie ci byccam by zachoŭvańnie parnahrafii. Jany chacieli stvaryć uražańnie, što ludzi zatrymanyja nie pa palityčnych matyvach, a za toje, što jany parušyli niejkija maralnyja normy», — raskazvajuć.
Administracyja histfaka BDU paśla daviała da studentaŭ, kab jany pačyścili telefony i sacsietki.
Siońnia ŭ zatrymanych chłopcaŭ pavinien adbycca sud pa administracyjnym artykule.
Taksama stała viadoma, što siońnia na ekzamienie siłaviki zatrymali jašče adnaho studenta histfaka BDU, ale paśla adpuścili.
Pra zatrymańnie studenta Alaksieja paviedamiŭ taksama telehram-kanał siłavikoŭ. Pavodle ich, na toj momant 15-hadovy chłopiec, u žniŭni 2020-ha nibyta «zaklikaŭ da biesparadkaŭ», a taksama nibyta ŭdzielničaŭ ź siabrami ŭ zabastoŭcy ŭ lidskaj himnazii, fota jakoj publikavalisia ŭ telehram-kanałach.
Čytajcie taksama:
Zatrymali biełarusa, jaki viarnuŭsia z-za miažy, — za kamientary z 2020 hoda. Raskazvajem, jak jaho znajšli
Vyjšaŭ na volu Siarhiej Čyhryn
Vyjšaŭ na svabodu palitźniavoleny Dzianis Kraŭčuk
