Fota: Delfi.lt

Fota: Delfi.lt

Pa słovach Jaŭniškisa, abvostranaja situacyja z-za vajny va Ukrainie.

«My bačym, što raźviedka stała bolš intensiŭnaj — mahčyma, jany ciapier bolš anhažavanyja, u ich jość praca va Ukrainie, ale, pa-za ŭsiakim sumnievam, my pavinny sačyć za tym, što adbyvajecca ŭ nas», — skazaŭ Jaŭniškis.

Pa jaho słovach, pajezdki litoŭcaŭ u Rasiju i Biełaruś ŭjaŭlajuć niebiaśpieku i dla samich hramadzian, i dla dziaržavy.

«Biełaruski KDB pracuje vielmi intensiŭna, jak i rasijski ŭ siabie. Ja maju na ŭvazie, što ludzi, jakija pierasiakajuć miažu i jeduć u hetyja krainy pa tannaje paliva, cyharety ci jašče niešta, aŭtamatyčna apynajucca ŭ zonie ryzyki. U nas jość fakty viarboŭki ludziej, u ich pytajucca, naprykład, pra palityčnuju situacyju ŭ Litvie, pra ich pracu, adukacyju, chto jany. Źbirajuć infarmacyju, pałochajuć, kab atrymać infarmacyju», — raspavioŭ Jaŭniškis.

Jon padkreśliŭ, što ludzi nie pavinny dumać, što jany nie cikavyja rasijskim ci biełaruskim śpiecsłužbam.

«Usie my cikavyja. Kožny čałaviek vałodaje niekatoraj infarmacyjaj, nosić jaje ŭ siabie ŭ hałavie — jon dzieści pracuje, maje niejkuju infarmacyju, u jaho jość kalehi, siabry, blizkija. Usie my ŭjaŭlajem intares — ich cikavić lubaja infarmacyja. Jany mohuć stvaryć situacyju. Rasijskija i biełaruskija śpiecsłužby słaviacca tym, što padsoŭvajuć tabie madel złačynstva i potym abvinavačvajuć, kažuć: kali chočaš viarnucca dadomu, a nie siadzieć u turmie 10 hadoŭ, pavinien supracoŭničać. Heta adzin z prostych prykładaŭ. U ludziej jość słabaści: abo zapivajuć, abo hublajuć pamiać. Potym lohka zmadelavać niejkuju situacyju», — raspavioŭ kiraŭnik DDB Litvy.

Pa jaho słovach, situacyi mohuć być samyja roznyja — naprykład, bojka abo DTZ.

Jon prakamientavaŭ i prapanovu abmiežavać pajezdki ŭ Biełaruś i ź Biełarusi. Na dumku kiraŭnika DDB, samich rasijan i biełarusaŭ z punktu hledžańnia patencyjnaj pahrozy treba rasceńvać adnolkava.

«My razumiejem, što siarod biełarusaŭ jość i pradstaŭniki apazicyi, tyja, chto zmahajecca za lepšuju Biełaruś, ale ŭ nas jość niamała faktaŭ, što časam pryjazdžajuć ludzi, zavierbavanyja biełaruskim KDB. Ich nie adzin, nie dva, nie try. My pavinny zrazumieć, što ŭ ludziej časam niama vybaru. Kali b bolšaj častcy pryjezžych možna było daviarać, viedać, što jany pradstaŭniki apazicyi, ale niama nijakaj harantyi, što chtości ź ich nie pracuje na biełaruski ci rasijski KDB. Toje ž samaje i z hramadzianami Rasii», — skazaŭ Jaŭniškis.

Jon zapeŭniŭ, što litoŭskija śpiecsłužby praviarajuć usich, chto pryjazdžaje. Pavodle jaho słoŭ, byli zafiksavanyja fakty «ŭjezdu ahientaŭ biełaruskaha KDB, zavierbavanych ludziej».

Клас
14
Панылы сорам
1
Ха-ха
2
Ого
0
Сумна
0
Абуральна
3