«Adsieleny praktyčna ŭvieś dom. Ciapier i horad, i vobłaść padrychtavali šmat miescaŭ dla časovaha raźmiaščeńnia ŭsich siemjaŭ. Budzie rašeńnie haradskoj i abłasnoj ułady pa materyjalnaj dapamozie ŭsim siemjam zahinułych, i ŭsim, chto straciŭ svajo žyllo, i tym, čyjo žyllo paciarpieła. My razumiejem, što bolš za 200 kvater faktyčna razburanyja, i naša samaja hałoŭnaja zadača — raśsialić usich ludziej i dapamahčy ŭ adnaŭleńni hetaha doma», — skazaŭ Cimašenka.
«Razbor zavałaŭ budzie praciahvacca datul, pakul nie buduć znojdzienyja cieły ŭsich zahinułych, a heta moža zaniać nie adzin dzień», — dadaŭ jon.
Dniom 14 studzienia padčas čarhovaha masiravanaha abstrełu Rasijaj Ukrainy adna z rakiet trapiła ŭ dzieviacipaviarchovy žyły dom u Dniapry, całkam abrynuŭšy adzin ź jaho siehmientaŭ. 40 čałaviek zahinuli. Traŭmy atrymali 77 žycharoŭ, siarod jakich 14 dziaciej. 25 čałaviek šukajuć pad zavałami.
