Fota: AP
Inšyja resursy dajuć infarmacyju, što Kitaj pakul abhaniaje Indyju.
Naprykład, World Population Review pakazvaje, što ŭ Kitai bolš nasielnictva.
Toje ž pakazvaje anłajn i Suśvietnaja mietryka (Wordometers).
Tak, AAN pradkazvała, što Indyja abhonić Kitaj i stanie lidaram pa kolkaści nasielnictva ŭ śviecie, ale prahnazavała, što heta zdarycca paźniej. Pa danych WPR na 18 studzienia, nasielnictva Indyi vyrasła jašče bolš i skłała 1,423 młrd čałaviek. Pavodle acenki daśledčaj płatformy Macrotrends, hety pakazčyk składaje 1,423 młrd čałaviek, piša RBK.
Indyja aficyjna nie publikavała śviežyja danyja ab kolkaści nasielnictva. Zvyčajna kraina pravodzić pierapis nasielnictva raz na 10 hadoŭ, ale ŭ 2021 hodzie jon byŭ adkładzieny praz pandemiju.
Kolkaść nasielnictva Kitaja ŭ 2022 hodzie skaraciłasia ŭ paraŭnańni z papiarednim hodam na 850 tysiač čałaviek i skłała 1 411 750 000 čałaviek, jak vynikaje sa źviestak Dziaržaŭnaha statystyčnaha ŭpraŭleńnia KNR. Nasielnictva Kitaja skaraciłasia ŭpieršyniu z 1960-ch hadoŭ.
Pa prahnozie AAN, adryŭ Indyi ad Kitaja pa kolkaści nasielnictva ŭ najbližejšyja hady značna pavialičycca. Da 2050 hoda, ličać u arhanizacyi, indyjskaje nasielnictva składzie 1,688 młrd čałaviek, u toj čas jak u Kitai budzie pražyvać 1,317 młrd čałaviek.
U cełym najbolšy pryrost nasielnictva čakajecca ŭ Demakratyčnaj Respublicy Konha, Jehipcie, Efiopii, Indyi, Nihieryi, Pakistanie, na Filipinach i ŭ Tanzanii. Pavodle prahnozu AAN, na hetyja krainy pryjdziecca bolš za pałovu prahnazujemaha da 2050 hoda pryrostu nasielnictva.
