Napiaredadni ministra abarony Ukrainy Alaksieja Reźnikava vyklikali ŭ Viarchoŭnuju Radu ŭ suviazi z paviedamleńniami ŭ ŚMI ab zakupcy viedamstvam praduktaŭ dla vajskoŭcaŭ pa cenach u niekalki razoŭ vyšejšych, čym u roźničnych kramach. Pra heta paviedamiła ŭ fejsbuku namieśnica kiraŭnika parłamienckaha kamiteta pa nacbiaśpiecy, abaronie i vyviedcy Marjana Biazuhła, adznačyŭšy, što dziaržaŭnaja aŭdytarskaja słužba i pravaachoŭnyja orhany pravodziać u Minabarony pravierki.
Minabarony Ukrainy, u svaju čarhu, piša pra toje, što źviestki pra źmiest zakupak pasłuh charčavańnia «raspaŭsiudžvajucca z prykmietami naŭmysnych manipulacyj i ŭvodziać u zman».
Viedamstva rychtuje materyjały ŭ Słužbu biaśpieki Ukrainy, kab rasśledavać «raspaŭsiudžańnie zahadzia chłuślivych źviestak, jakija nanosiać škodu intaresam abarony ŭ asablivy pieryjad».
Pry hetym adnosna epizodaŭ, jakija majuć hramadski rezanans — niezaležna ad ich źmiestu, — ministerstva pravodzić słužbovyja pravierki.
«Adnosna pracesu i vynikaŭ zakupak pasłuh charčavańnia taksama budzie praviedziena ŭnutranaja pravierka. U vypadku vyjaŭleńnia parušeńniaŭ u dziejnaści słužbovych asob Minabarony jany buduć nieści adkaznaść pa zakonie», — havorycca ŭ paviedamleńni ministerstva.
Čytajcie taksama:
Va Ukrainie — skandał praz kuplu charčavańnia dla USU. Viarchoŭnaja Rada vyklikała ministra abarony Ukrainy
