Źmieny, jakija tyčacca dziejnaści partyj:
— minimalny paroh dla stvareńnia palityčnaj partyi pavialičać da 5 000 čałaviek;
— nieabchodna mieć arhanizacyjnyja struktury palityčnych partyj u kožnaj vobłaści i Minsku, a taksama nie mienš čym u 1/3 rajonaŭ i haradoŭ abłasnoha padparadkavańnia va ŭsich abłaściach krainy i nie mienš čym u 1/3 rajonaŭ Minska;
— dazvolać finansavacca za košt srodkaŭ respublikanskaha abo miascovaha biudžetu;
— zasnavalnikami palityčnaj partyi mohuć być tolki hramadzianie Respubliki Biełaruś, jakija pastajanna pražyvajuć u krainie i dasiahnuli 18-hadovaha ŭzrostu;
— abirać kirujučy orhan palityčnaj partyi treba nie radziej za adzin raz na piać hadoŭ;
— abmiažoŭvajecca pamier atrymanych hrašovych srodkaŭ i inšaj majomaści ad adnoj arhanizacyi abo hramadzianina da 1000 bazavych vieličyń na hod;
— likvidavać palityčnyja partyi mohuć «u vypadku prapahandy vajny, terarystyčnaj, ekstremisckaj, inšaj zabaronienaj zakanadaŭstvam dziejnaści, dziejnaści, jakaja nanosić škodu dziaržaŭnym i (abo) hramadskim intaresam», a taksama z-za atrymańnia hrašovych srodkaŭ i inšaj majomaści z zamiežnych krynic;
— dla ŭsich partyj vyznačajucca ŭniviersalnyja asnoŭnyja mety i zadačy, jakija pavinny być zamacavany ŭ Statutach, naroŭni ź inšymi metami i zadačami, śpiecyfičnymi dla kožnaj palityčnaj partyi (heta «zabieśpiačeńnie niepachisnaści kanstytucyjnaha ładu i hramadzianskaj zhody, udzieł u kiravańni dziaržavaj praz svaich pradstaŭnikoŭ, sadziejničańnie realizacyi i abaronie pravoŭ, svabod i intaresaŭ hramadzian i inš.»);
— pierarehistravacca palityčnyja partyj pavinny na praciahu 6 miesiacaŭ.
Što datyčyć źmienaŭ u Zakon «Ab hramadskich abjadnańniach», to z važnaha pakul viadoma, što respublikanskija hramadskija abjadnańni pavinny mieć arhanizacyjnyja struktury va ŭsich abłaściach krainy i Minsku.
