Foto: Wikimedia Commons / Svklimkin
Sceny z udziełam narodnaha artysta Rasii Dźmitryja Nazarava ŭ novaj ekranizacyi ramana Ilfa i Piatrova «12 kresłaŭ» buduć pieraźniatyja ź inšym akcioram, paviedamiŭ RIA «Naviny» režysior karciny Piotr Zialonaŭ.
Svajo rašeńnie jon źviazaŭ z palityčnaj pazicyjaj Dźmitryja Nazarava, jaki vystupaje z rezkaj krytykaj palityki rasijskaha kiraŭnictva ŭ dačynieńni da Ukrainy.
«My razmaŭlali davoli miła, ja i nie padazravaŭ. Ja viedaju, što chtości krytykuje, zaŭsiody ž jość takija, ale, ščyra kažučy, heta pramy ŭdar taki», — skazaŭ Zialonaŭ.
U filmie Nazaraŭ pavinien byŭ syhrać rolu Kisy Varabjaninava.
«Mnie zdajecca hadaściu i niaŭdziačnaściu na adras Uładzimira Uładzimiraviča (Pucina) nieści niejkuju achinieju, tym bolš kazać pra niejkuju kryvažernaść, łuchtu. Ja absalutny patryjot svajoj krainy. Mnie niavažna, što pra mianie buduć kazać. Ja z prezidentam, z Rasijaj, tamu ja navat dzieści rady. Ja znajdu kaho źniać», — padkreśliŭ režysior.
Novaja ekranizacyja ramana Illi Ilfa i Jaŭhiena Piatrova pavinna vyjści ŭ 2023 hodzie.
Na minudym tydni Dźmitryja Nazarava zvolnili z MCHT imia Čechava, dzie jon pracavaŭ z 2003 hoda. Zvalnieńnie artysta źviazvajuć ź jaho palityčnaj pazicyjaj. Jaho rolu Vołanda ŭ «Majstry i Marharycie» syhraje biełaruski akcior Anatol Kot.
