Fota: JETOUR
Havorka idzie pra kitajski JETOUR — heta adzin z subbrendaŭ Chery, jaki vytvorca pazicyjanuje jak bolš premijalnuju viersiju hetaj masavaj marki.
Na biełaruski rynak pieršuju madel brenda JETOUR płanujuć vyvieści ŭ I kvartale 2023 hoda.
U sakaviku startuje prodaž krasoviera JETOUR X70. Aŭtamabil prajšoŭ siertyfikacyju i moža pastaŭlacca ŭ Biełaruś aficyjna.
Jakimi buduć ceny madelnaha šerahu na ajčynnym rynku, u chołdynhu «Atłant-M» pakul nie raskryvajuć. Va Ukrainie cana krasoviera X70 startuje prykładna z $20 tysiač za aŭto ŭ bazavaj kamplektacyi, u Rasii topavuju siamimiesnuju viersiju X70 Plus pradajuć prykładna za $30 tysiač.
Taksama ŭ biełaruskich aŭtasałonach pavinny źjavicca madeli X70 Plus, X90 Plus i kampaktny krasovier JETOUR X1 (Dashing).
Mašyny buduć impartavacca ŭ Biełaruś z zavoda ŭ kazachstanskim Kastanai, dzie arhanizavana bujnavuzłavaja zborka.
Imparcioram JETOUR u Biełarusi stała Kampanija «Atłant-M Aljans», jakaja pryvozić u krainu Toyota i Lexus.
