Hienieralny sakratar NATA Jens Stołtenbierh zajaviŭ u paniadziełak, što niama nijakich prykmiet taho, što Rasija rychtujecca da mirnych pieramovaŭ, a rasijski prezident Uładzimir Pucin zachoŭvaje svaje maksimalisckija mety ŭ dačynieńni da Ukrainy.
Stołtenberh adznačyŭ, što Rasija moža mabilizavać da 200 tysiač čałaviek i praciahvaje nabyvać zbroju i bojeprypasy za košt pavieličeńnia ŭnutranaj vytvorčaści i partniorstva z aŭtarytarnymi režymami, takimi jak Iran i KNDR.
Kiraŭnik Rady reziervistaŭ Suchaputnych vojskaŭ USU Ivan Tymačka zajaviŭ, što rasijskija vojski ŭzmacniajuć hrupoŭku ŭ Danbasie ŭ ramkach čakanaha nastupu i adznačyŭ, što rasijskim vojskam pryjdziecca pačać nastup praz unutrany cisk. Zajavy Stołtenbierha i Tymački paćviardžajuć papiaredni prahnoz ISW ab tym, što rasijskija siły stvarajuć umovy dla pačatku nastupleńnia ŭ Łuhanskaj vobłaści ŭ najbližejšyja miesiacy. Rasijskija «vajenkary» taksama praciahvajuć pakazvać na toje, što ŭ rasijskaj infarmacyjnaj prastory stvarajucca pieradumovy dla novaha nastupu.
