gur.gov.ua
«Pa słovach čałavieka, blizkaha da Budanava, na jaho było ździejśniena pa mienšaj miery 10 zamachaŭ. U 2019 hodzie pad jaho aŭtamabil była zakładzienaja bomba, ale jana zdetanavała zaŭčasna».
Viadoma, što Budanaŭ žyvie ŭ svaim ofisie, viadzie aściarožny ład žyćcia i zredku źjaŭlajecca na ludziach.
Adznačajecca, što ŭ kabiniecie kiraŭnika HUR kruhłasutačna hraje kłasičnaja muzyka. U kucie schavanaja zbroja, a na stale lažać patrony.
Budanaŭ zastajecca mišeńniu dla Kramla, bo paśla vybuchu na Krymskim moście ŭ kastryčniku Maskva nazvała vinavatymi ahientaŭ HUR na čale sa staršynioj.
Imklivy ŭźlot Budanava da ŭzroŭniu adnaho z samych maładych hienierałaŭ u historyi Ukrainy paskoryŭsia ŭ žniŭni 2016 hoda, kali padpałkoŭnik Fiederalnaj słužby biaśpieki Rasii byŭ zabity ŭ Krymie.
Ličyłasia, što Budanaŭ byŭ adnym z ukrainskich śpiecapierataraŭ, jakija pracavali ŭ tyle voraha, i paźniej jon byŭ uznaharodžany ŭkrainskim ordenam Mužnaści «za nierazhałošvańnie apieracyi».
U 2020 hodzie, kali jamu było ŭsiaho 34 hady, jaho pryznačyli staršynioj Hałoŭnaha ŭpraŭleńnia raźviedki.
Budanaŭ nie paćviardžaje i nie admaŭlaje apieracyju abo svoj udzieł u joj. «Niešta adbyłosia… I paśla hetaha pačalisia ŭsie zamachi na majo žyćcio», — kaža jon.
