Žychara Bresta zatrymali 28 listapada 2020 hoda pa spravie ab błakavańni čyhunačnych šlachoŭ i raźviešvańni pudziłaŭ u Breście, piša «Viasna».
Jaho abvinavacili pavodle č. 2 art. 339 KK za naniasieńnie nadpisu pratesnaha charaktaru na handlovy paviljon i art. 309 KK za ŭstanoŭku na čyhunačnych šlachach mietaličnaha drotu, z pryčyny čaho elektraciahniku byŭ padadzieny sihnał ab spynieńni.
18 maja 2021 hoda Maksim asudžany sudom Leninskaha rajona Bresta na 2 hady i 6 miesiacaŭ pazbaŭleńnia voli ŭ kałonii ahulnaha režymu. Termin palitviazień adbyvaŭ u škłoŭskaj kałonii № 17.
Maksim całkam adbyŭ termin i siońnia vyjšaŭ na volu.
2
0
0
0
0
0
