Tank Leopard. Fota: warfore.me

Tank Leopard. Fota: warfore.me

Kijeŭ atrymaje staryja tanki Leopard paśla ich ramontu. Miarkujecca, što Ukraina atrymaje ich nie biaspłatna, a kupić u niamieckaha vytvorcy zbroi Rheinmetall na ahulnuju sumu bolš za 100 miljonaŭ jeŭra, paviedamlaje niamieckaje vydańnie Süddeutsche Zeitung sa spasyłkaj na krynicy va ŭradzie.

Akramia taho, urad Hiermanii taksama razhladaje mahčymaść vykupić u Katara svaje 15 zienitnych samachodnych ustanovak Gepard, pradadzienych tudy dla biaśpieki niadaŭniaha čempijanatu śvietu pa futbole.

«Tanki «Hiepard» vielmi dobra zarekamiendavali siabie ŭ vajnie va Ukrainie. Kali b my mahli atrymać bolš ad partnioraŭ, heta biezumoŭna dapamahło b ukraincam», — skazaŭ ministr abarony Niamieččyny Borys Pistoryus.

Paśla niekalkich tydniaŭ intensiŭnaha cisku z boku partnioraŭ Hiermanija abviaściła na minułym tydni, što ŭchvalić pastaŭku Ukrainie kala 80 tankaŭ Leopard 2, u tym liku 14 ułasnych tankaŭ, u ramkach kaalicyi jeŭrapiejskich krain.

Vialikabrytanija taksama paabiacała adpravić Kijevu niekalki svaich tankaŭ Challenger 2, a ZŠA zajavili, što da kanca hetaha hoda abo ŭ pačatku nastupnaha adpraviać 31 tank M1 Abrams.

Клас
9
Панылы сорам
4
Ха-ха
1
Ого
1
Сумна
0
Абуральна
3