Jakaja heta moža być kryminalnaja sprava, Čarnavus-starejšy navat i ŭjavić sabie nie moža. Za ŭdzieł u akcyjach syn užo byŭ pakarany. Letam 2021-ha jaho aryštoŭvali na try dni, a zatym dali štraf u 20 bazavych.
Jak Mikałaju Čarnavusu raskazali śviedki zatrymańnia jaho syna, 2 lutaha 10 milicyjantaŭ prabiralisia da ich doma, paŭzučy. Vidać, ujaŭlali sabie, što buduć zatrymlivać niebiaśpiečnaha złačyncu. Jany pałamali płot, a kali ŭvarvalisia ŭ dom, to padniali dziki kryk: «Stojať, licom k stienie, ruki za hołovu!»
Abšukali nie tolki druhi pavierch, dzie žyvie Mikałaj ź siamjoj, a i pieršy, dzie žyvie Čarnavus-starejšy. Paśla pieratrusu jany zabrali telefon Mikałaja-małodšaha i noŭtbuk.
