Fota: asabisty archiŭ
Biełarus Uładzisłaŭ Hirys razam z žonkaj žyvie ŭ Polščy z 2019 hoda. Tam u mužčyny svaja firma — jon uładalnik taksi.
U Nieapal para pryjechała 7 lutaha, na nastupny dzień jany ŭžo byli pavinny viartacca ŭ Polšču.
«Byli ŭviečary ŭ apartamientach. Pryjšła palicyja, kab pravieryć niejkija danyja, potym skazali, što jaho zabirajuć. Nadzieli na jaho kajdanki i pavieźli. Mianie z saboj nie ŭziali, dali adras, kudy jany jaho viazuć.
Pajechała za imi. Ale tam mianie nie puścili, viarnułasia ŭ apartamienty. Praz paru hadzin patelefanavaŭ muž, skazaŭ, što ŭ jaho ŭziali adbitki palcaŭ, sfatahrafavali. Ja spytała, ci źviazana heta niejak ź Biełaruśsiu, jon adkazaŭ «tak». I naša razmova na hetym skončyłasia», — raskazała žonka Uładzisłava prajektu «1906».
U žonki Uładzisłava jość polski vid na žycharstva, u muža — humanitarnaja viza.
Pa słovach žančyny, apošni raz jany byli ŭ Biełarusi ŭ lutym 2020-ha.
«Vizu jamu my rabili ŭ Kijevie, zakančvałasia jana ŭ jaho 10 lutaha. Taksama muž padaŭsia na polski vid na žycharstva, — kaža jana. —
Palicyja patłumačyła tolki, što muž znachodzicca ŭ vyšuku ŭ Biełarusi. Jaho chočuć ekstradavać. U Polščy Uład udzielničaŭ u biełaruskich akcyjach, mitynhach.
Biełaruski konsuł skazaŭ, što heta sapraŭdy zroblena na zapyt Biełarusi. Ci źviazana heta z palitykaj, dakładnaha adkazu jon dać nie zdoleŭ».
Na sajcie palicyi Nieapala paviedamili, što «8 lutaha ŭ rajonie Pjacca Municypia byŭ časova aryštavany 27-hadovy hramadzianin Biełarusi z metaj ekstradycyi».
«Byŭ atrymany ordar na aryšt, jon vydadzieny biełaruskimi ŭładami 1 śniežnia 2020 hoda za machlarstva», — napisana na sajcie.
Viadoma, što ŭ 2019 hodzie Uładzisłaŭ u Biełarusi byŭ pryznany vinavatym u DTZ i pryciahnuty da administracyjnaj adkaznaści ŭ vyhladzie štrafu. Heta vynikaje z dakumientaŭ, jakija pradstaviła jaho žonka.
Jak vyśvietliłasia paśla, DTZ pryznali pastanovačnym. Jano było zdiejśniena z metaj atrymańnia strachavoj kampiensacyi. Była raspačata kryminalnaja sprava pa častcy 3 artykuła 209 KK («Machlarstva, ździejśnienaje ŭ bujnym pamiery»). Na samim sudovym pasiedžańni biełarusa nie było, bo jon ŭžo žyŭ u Polščy, prysudu jamu nie vynosili.
U jakim statusie pa toj spravie prachodziŭ biełarus, nie viadoma.
Čytajcie taksama:
Polšča zakryvaje punkt propusku «Babroŭniki» «ź mierkavańniaŭ nacyjanalnaj biaśpieki»
Polšča hatovaja pieradać Kijevu źniščalniki, ale nie budzie rabić heta pieršaj z krain NATA
U «Hrodnaenierha» spuścili śviežy śpis na zvalnieńnie, a ŭ niekatorych dziaržarhanizacyjach źbirajuć źviestki pra karty palaka i VNŽ u supracoŭnikaŭ
