Sudździa Taćciana Fiadčuk pryznačyła Juryju dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»).
Jaho abvinavacili ŭ tym, što ŭ 2020 hodzie pierakryvaŭ ruch transpartu ŭ Fanipali — a mienavita išoŭ pa darozie padčas akcyi pratestu. Padčas pasiadžeńnia Juryj nie pahadziŭsia z pradjaŭlenymi jamu abvinavačvańniami.
Miarkujučy pa videa, jakoje apublikavali siłaviki, dokazami «błakiroŭki daroh» stali «storys» ŭ Instagram — na ich ludzi iduć pa darozie. Jany byli ŭ archivie profilu i znajšli ich supracoŭniki, chutčej za ŭsio, paśla «vyvučeńnia» telefona mužčyny.
Juryj prafiesijna zajmajecca mini-futbołam. Spartovy dośvied bolš za 20 hadoŭ. Raniej hraŭ za kłub «Livadyja».
0
1
1
0
0
5
