Fota: Markus Schreiber / AP
Palityk pamior u noč na 11 lutaha, pryčyna śmierci nieviadomaja, piša RBK.
Modrau ŭznačalvaŭ urad HDR ź listapada 1989 hoda da krasavika 1990-ha, jon zajmaŭ pasadu kala 150 dzion. Paśla padzieńnia Bierlinskaj ściany ŭ 1989 hodzie Modrau vioŭ pieramovy z uradam FRH ab dalejšym zbližeńni.
U sakaviku 1990 hoda ŭ HDR adbylisia pieršyja svabodnyja vybary ŭ Narodnuju pałatu (parłamient) respubliki, pa vynikach jakich partyja Modrau straciła ŭładu. Praź miesiac palityk pakinuŭ pasadu staršyni Savieta Ministraŭ. Jaho źmianiŭ Łotar de Meźjer. Jon byŭ pradstaŭnikom Chryścijanska-demakratyčnaha sajuza i pieršym kiraŭnikom urada nie kamunistam. De Meźjer byŭ apošnim kiraŭnikom urada niezaležnaj HDR — dalej adbyłosia abjadnańnie Hiermanii.
Modrau, jašče znachodziačysia va ŭładzie, prapanoŭvaŭ zabiaśpiečyć vajskovy niejtralitet abjadnanaj Hiermanii i krytyčna ŭsprymaŭ novaŭtvoranuju dziaržavu. Jon mierkavaŭ, što abjadnańnie adbyłosia zanadta chutka i ŭ adnabakovym paradku, a intaresy HDR pry hetym nie ŭličvalisia. Palityk taksama vykazvaŭ mierkavańnie, što paśla abjadnańnia z FRH respubliku nazyvali «niepravavoj dziaržavaj».
Paśla sychodu z pasady staršyni Savieta Ministraŭ HDR i abjadnańnia Hiermanii Modrau zasiadaŭ u Bundestahu (1990—1994 hady) u jakaści deputata PDS (Partyi demakratyčnaha sacyjalizmu), jakaja ŭtvaryłasia ŭ vyniku źlićcia SIEPH i inšych partyj. Z 1999 pa 2004 hod jon pradstaŭlaŭ PDS u Jeŭraparłamiencie.
