Siarhiej Cichanoŭski ŭ 2020 hodzie. Fota: BiełaPAN

Siarhiej Cichanoŭski ŭ 2020 hodzie. Fota: BiełaPAN

Da «Našaj Nivy» čutki dajšli ad dvuch roznych ludziej, niezaležna adzin ad adnaho. Učora ž, paralelna, pa našaj infarmacyi, hetyja čutki dajšli da Śviatłany Cichanoŭskaj.

U Žodzinie, dzie Siarhieja Cichanoŭskaha ŭtrymlivajuć u turmie, heta ŭsio cyrkuluje na ŭzroŭni plotak, sa spasyłkaj na «ludziej», na «videa z tyktoku». Nijakich faktaŭ nie pryvodzicca, akramia taho, što ŭčora kala BiełAZa nibyta «bačyli mašyny ź mihałkami».

Śviatłana Cichanoŭskaja ličyć hetyja čutki niapraŭdaj.

«Ź Siarhiejem Cichanoŭskim usio ŭ paradku. Advakat bačyŭ Siarhieja na minułym tydni, — skazała «Našaj Nivie» Hanna Krasulina, pres-sakratarka Śviatłany Cichanoŭskaj. — Zaŭtra, 14 lutaha, budzie tak zvanaje sudovaje pasiadžeńnie pa artykule 411, pabačyć iznoŭ».

Takija čutki, sapraŭdy, mohuć raspaŭsiudžvacca z metaj psichałahičnaha cisku na Śviatłanu Cichanoŭskuju.

44-hadovy Siarhiej Cichanoŭski ŭtrymlivajecca ŭ turmie №8 horada Žodzina Minskaj vobłaści.

Pradprymalnik i videabłohier, jon mieŭ namier udzielničać u prezidenckich vybarach 2020 hoda. Kali jaho papularnaść stała raści, to ŭ mai 2020 hoda jaho zatrymali, a paźniej asudzili na 18 hadoŭ uzmocnienaha režymu.

Ciapier Cichanoŭskaha čarhovy raz sudziać — hetym razam pa artykule 411 Kryminalnaha kodeksa «Złosnaje niepadparadkavańnie patrabavańniam administracyi papraŭčaj ustanovy». Hety artykuł časta vykarystoŭvajecca dla dadatkovaha cisku na palitźniavolenych.

Praciah tekstu — pad banieram

28 červienia 2020 hoda na zakrytym vystupie pierad aktyvam Minskaj vobłaści Łukašenka zajaviŭ: «Tak, ja daŭ sihnał ź Cichanoŭskim. Ja niešta nie tak rabiŭ?»

Inicyjatyva siłavikoŭ «Bajpoł» apublikavała materyjały, jakija tyčacca zatrymańnia Cichanoŭskaha. Zhodna ź imi, zadoŭha da zatrymańnia ŭ dačynieńni da Cichanoŭskaha i členaŭ jaho kamandy ŭ suviazi ź ich hramadska-palityčnaj dziejnaściu Hałoŭnaje ŭpraŭleńnie pa baraćbie z arhanizavanaj złačynnaściu pačało raspracoŭku ŭ ramkach spravy apieratyŭnaha ŭliku, jakaja znachodziłasia ŭ vytvorčaści staršaha opierupaŭnavažanaha 2-ha adździeła 3-ha ŭpraŭleńnia Ivana Tarasika. Ahulnaje kiraŭnictva hetaj raspracoŭkaj ažyćciaŭlałasia načalnikam 3-ha ŭpraŭleńnia Michaiłam Biedunkievičam. U vyniku ŭpraŭleńniu nie ŭdałosia znajści padstaŭ dla zaviadzieńnia kryminalnaj spravy, tamu jany vyrašyli arhanizavać pravakacyju. Vusny zahad, jak śćviardžaje inicyjatyva, byŭ addadzieny tahačasnym ministram unutranych spraŭ Juryjem Karajevym.

Śviatłana Cichanoŭskaja pajšła na vybary 2020 hoda paśla aryštu muža. Da taho jana palitykaj nie zajmałasia, była chatniaj haspadyniaj i hadavała dvaich dziaciej, u adnaho ź jakich byli prablemy sa zdaroŭjem. Siarod apazicyjnych kandydataŭ Centrvybarkam dapuściŭ da vybaraŭ jaje adnu; Viktar Babaryka, inšy papularny praciŭnik Alaksandra Łukašenki, taksama nie byŭ zarehistravany i byŭ aryštavany. Toje, što hramadstva abjadnałasia vakoł Śviatłany Cichanoŭskaj, dla łukašenkaŭcaŭ stała niečakanaściu. Miarkujučy pa infarmacyi z učastkaŭ, dzie pratakoły vynikaŭ padliku hałasoŭ vyviešvalisia, a padlik ažyćciaŭlaŭsia prazrysta, Cichanoŭskaja nabirała bolš za 50 pracentaŭ hałasoŭ, a Łukašenka — mienš za 40.

Łukašenkaŭcy zmusili Śviatłanu Cichanoŭskuju pakinuć Biełaruś 11 žniŭnia 2020 hoda, ale heta nie spyniła masavyja pratesty ŭ Biełarusi z patrabavańniem adstaŭki Alaksandra Łukašenki. Kab zdušyć ich, łukašenkaŭcy raspačali masavyja represii, jakija praciahvajucca ŭžo treci hod.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?