Raman Pratasievič u sudzie. Fota BiełTA

Raman Pratasievič u sudzie. Fota BiełTA

Raman Pratasievič pierad sudom vykazaŭsia pra byłych kaleh: «Z hetymi ludźmi mnie daŭno ŭsio zrazumieła i skazać bolš niama čaho».

Jon dadaŭ, što hatovy da luboha vyraku. «Ad mianie ŭžo ničoha nie zaležyć», — skazaŭ jon.

BT paviedamiła, što redaktaram «Niechta» inkryminujecca «nie mienš za 1586 złačynstvaŭ». 

Pratasieviču, Puciłu i Rudziku staviacca ŭ vinu nastupnyja artykuły:

raspalvańnie sacyjalnaj varožaści (č. 3 art. 130 KK Biełarusi);

arhanizacyja masavych biesparadkaŭ, navučańnie i inšaja padrychtoŭka asob dla ŭdziełu ŭ ich (č. 1 i č. 3 art. 293 KK Biełarusi);

arhanizacyja hrupavych dziejańniaŭ, jakija hruba parušajuć hramadski paradak i spałučanych ź vidavočnym niepadparadkavańniem zakonnym patrabavańniam pradstaŭnikoŭ ułady, navučańnie i inšaja padrychtoŭka asob dla ŭdziełu ŭ ich (č. 1 i č. 2 art. 342 KK Biełarusi);

publičnyja zakliki da zachopu dziaržaŭnaj ułady, aktu teraryzmu, inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś (č. 3 art. 361 KK Biełarusi);

stvareńnie ekstremisckaha farmavańnia i kiravańnie im (č. 1 art. 361-1 KK Biełarusi);

paklop i publičnaja abraza Łukašenki (č. 2 art. 367, č. 2 st. 368 KK Biełaruś).

Akramia taho, Puciłu i Rudzika ŭ roznym spałučeńni abvinavacili ŭ ździajśnieńni nastupnych złačynstvaŭ:

zmova z metaj zachopu dziaržaŭnaj ułady niekanstytucyjnym šlacham (č. 1 art. 357 KK Biełarusi);

finansavańnie ekstremisckaj dziejnaści (č. 2 art. 361-2 KK Biełarusi);

Dyskredytacyja Respubliki Biełaruś (art. 369-1 KK Biełarusi).

Ściapana Puciłu taksama abvinavačvajuć u arhanizacyi dziejnaści terarystyčnaj arhanizacyi (č. 1 art. 290-5 KK Biełarusi).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?