Fota: BiełTA

Fota: BiełTA

«Ščyra i sumlenna — niezapłanavanaja sustreča. Pres-sakratarka mnie dałažyła, što ŭ nas takaja mahutnaja «armija», asabliva zamiežnych žurnalistaŭ (rasijan ja nie pryličvaju da hetaj kolkaści). Ja padumaŭ, što budzie, napeŭna, niehaścinna ź biełaruskaha punktu hledžańnia, kali my chacia b na niekalki chvilin z vami nie pierasiačomsia», — skazaŭ Alaksandr Łukašenka.

Raniej płanavałasia, što 14 lutaha adbudziecca «Vialikaja razmova z prezidentam» — zrežysiravanaje telešou, na jakoje zaprašajuć i žurnalistaŭ, ale paśla jano ź niejkich pryčyn było admienienaje. U toj ža čas stała viadoma, što 17 lutaha, u piatnicu, Alaksandr Łukašenka čarhovy raz sustrakajecca z Pucinym.

Sustreča z žurnalistami 16 lutaha papiarednie nie anansavałasia.

Na sustreču z Łukašenkam, akramia biełaruskich žurnalistaŭ, prybyli pradstaŭniki ŚMI Aŭstryi, Azierbajdžana, Vialikabrytanii, Katara, Rasii, Saudaŭskaj Aravii, ZŠA, Francyi, Japonii i miždziaržaŭnaj teleradyjokampanii «Mir».

«Pahladzieŭšy na skład siońniašniaj našaj sustrečy, ja baču tut daŭnich svaich znajomych», — skazaŭ Alaksandr Łukašenka.

BiełTA ŭ svaim paviedamleńni asobna akcentuje ŭvahu na prysutnaści žurnalista Bi-Bi-Si Styviena Rozenbierha, jaki ŭ listapadzie 2021 hoda ŭziaŭ vostraje intervju ŭ Alaksandra Łukašenki.

«Dumaju, što ŭ dynamicy pahladzieć na tyja prablemy, jakija ich chvalavali i jakija jany tak nastojliva sprabavali mnie pastavić u vinu, — heta jašče adna takaja cikavaja fiška siońniašniaj sustrečy», — adznačyŭ Łukašenka.

Alaksandr Łukašenka taksama źviarnuŭ uvahu na toje, što siońniašniaja sustreča z žurnalistami nie admianiaje praviadzieńnie anansavanaj raniej «Vialikaj razmovy».

«Prosta atrymałasia niejkaja nakładka. U nas litaralna praź niekalki tydniaŭ adbudziecca Pasłańnie narodu i parłamientu. Dva mierapryjemstvy, adno za adnym, buduć niekatoryja paŭtareńni, — rastłumačyŭ jon. — My rychtujem pasłańnie absalutna adkryta, budzie reakcyja na ŭsie pytańni, i troški napierad my pastarajemsia zazirnuć u ramkach hetaha pasłańnia».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?