4 lutaha amierykanskija vajskoŭcy źbili la ŭźbiarežža Paŭdniovaj Karaliny kitajski aerastat, jaki ŭvarvaŭsia ŭ amierykanskuju pavietranuju prastoru, jak zajavili ŭ Vašynhtonie, sa špijonskimi metami.

Bajden u čaćvier zajaviŭ, što biaśpieka pavietranaj prastory ZŠA zastajecca adnym z pryjarytetaŭ jaho administracyi. Jon dadaŭ, što abmiarkuje toje, što adbyłosia, z kitajskim lidaram Si Czińpinam.

«Ja spadziajusia, što my z hetym raźbiaromsia, ale prasić prabačeńnia za toje, što my źbili hety šar, ja nie źbirajusia», — skazaŭ jon.

Piekin admaŭlaje, što latalny aparat byŭ špijonskim, i śćviardžaje, što heta byŭ mietearałahičny aparat, jaki zalacieŭ u ZŠA vypadkova.

«Nam patrebny z Kitajem nie kanflikt, a kankurencyja. My nie chočam novaj chałodnaj vajny. Ale ja nie prašu prabačeńnia», — dadaŭ prezident ZŠA.

Paśla kitajskaha aparata, sa słoŭ Bajdena, amierykanskija vajskoŭcy pačali šukać nad ZŠA abjekty, jakija laciać na nizkaj chutkaści. Nad Paŭnočnaj Amierykaj ich akazałasia try — heta i byli nieapaznanyja abjekty, vyjaŭlenyja za apošnija dni nad Alaskaj, Kanadaj i amierykanskim vozieram Huron.

Ja zahadaŭ źbić hetyja try abjekty praz toje, što jany ŭjaŭlali niebiaśpieku dla hramadzianskaj i kamiercyjnaj avijacyi, i tamu, što my nie mahli vyklučyć niebiaśpieku traplańnia sakretnych ustanoŭ pad nazirańnie», — patłumačyŭ Bajden.

«My pakul dakładna nie viedajem, što heta byli za abjekty. Ciapier ničoha nie pakazvaje, što jany byli źviazany z prahramaj špijonskich aerastataŭ Kitaja ci… z pryładami sačeńnia inšych krain», — skazaŭ prezident.

«Nie pamylajciesia, kali niejkija abjekty ŭjaŭlajuć pahrozu biaśpiecy amierykancaŭ, to my ich sabjom», — reziumavaŭ Bajden.

Клас
6
Панылы сорам
0
Ха-ха
0
Ого
0
Сумна
0
Абуральна
0