Pa danych vydańnia, u chadajnictvie, padadzienym baćkam abvinavačanaha, havorycca ab zhodzie na zakryćcio spravy Ciesaka ŭ suviazi ź jaho śmierciu. Takaja farmuloŭka pa zakonie źjaŭlajecca niereabilitujučaj akaličnaściu.

Advakat Alaksiej Michalčyk zajaviŭ vydańniu, što ciapier jahonyja davierniki «stracili cikavaść da pracesu» praz toje, što sud admoviŭsia razhladać spravu Marcinkieviča z udziełam prysiažnych. Svajaki ŭ pieršuju čarhu byli zacikaŭlenyja «vyśvietlić u sudzie abstaviny hibieli Maksima, ale pry praviadzieńni pracesu adnym sudździoj heta całkam vyklučałasia», rastłumačyŭ abaronca.

Maksima Marcinkieviča, asudžanaha na 10 hadoŭ kałonii za sieryju złačynstvaŭ, znajšli miortvym 16 vieraśnia 2020 hoda ŭ čalabinskim SIZA. Siamja i advakat śćviardžali, što na jaho ciele znajšli ślady katavańniaŭ.

U Śledčym kamitecie kazali, što pierad śmierciu Ciasak pryznaŭsia, što datyčny da dvuch dvajnych zabojstvaŭ. Śledstva vykazała zdahadku, što Marcinkievič pakončyŭ z saboj, i admoviłasia rasśledavać jaho hibiel.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?