Fota: BiełTA

Fota: BiełTA

«KDB adznačajecca rezkaja aktyvizacyja ŭsich vidaŭ raźviedki śpiecsłužbaŭ kalektyŭnaha Zachadu suprać Respubliki Biełaruś. Asnoŭny akcent — vierbavalnaja praca ŭ dačynieńni da asob, jakija majuć mahčymaść zdabyvańnia infarmacyi zakrytaha charaktaru, viarboŭka supracoŭnikaŭ siłavych viedamstvaŭ i słužačych dziaržaŭnaha aparatu. Z ulikam ahresiŭnaj dziejnaści zamiežnych śpiecsłužbaŭ pa praniknieńni ŭ siłavyja struktury i dziaržaŭny aparat (darečy skazać, z pačatku hoda KDB zatrymana bolš za 10 zdradnikaŭ) i značnaj škody, jakaja nanosicca nacyjanalnym intaresam, abstanoŭka patrabuje pryniaćcia kompleksnych mier pa niejtralizacyi hetych pahroz», — skazaŭ Cierciel.

Jon taksama zajaviŭ, što «praciŭniki płanujuć dalejšyja zachady pa destabilizacyi situacyi ŭ krainie».

«Płany ich raspaŭsiudžvajucca na pieryjad 2024—2025 hadoŭ. Tut uvieś kantekst źviazany z pamknieńniem ich da našych orhanaŭ ułady i kiravańnia, da ździajśnieńnia akcyj, nakiravanych na padryŭ stabilnaści ŭ krainie. Adpaviedna, my dakładvajem ab hetych pahrozach kiraŭniku dziaržavy, prapanujem vypracoŭku kankretnych mier, nakiravanych, pa-pieršaje, na prafiłaktyku hetych pahroz, pa-druhoje, — na realnaje stvareńnie miechanizmaŭ uździejańnia», — skazaŭ staršynia KDB.

«U hetym płanie byli adpracavany i ŭniesieny źmieny ŭ šerah narmatyŭnych pravavych aktaŭ, jakija rehłamientujuć dziejnaść KDB», — padkreśliŭ Ivan Cierciel.

Pavodle jaho słoŭ, redakcyja art. 356 KK «Zdrada dziaržavie», jakaja praduhledžvaje pavyšanuju adkaznaść za zdradu dziaržavie słužbovych asob z adpaviednym stanoviščam abo vajskoŭcaŭ, nie achoplivaje ŭsie patencyjna ŭraźlivyja katehoryi słužačych dziaržaparatu.

«Akramia hetaha, prapanujecca zrabić bolš strohim pakarańnie za zdradu dziaržavie až da prymianieńnia vyklučnaj miery — śmiarotnaha pakarańnia. Hetaja miera, darečy, praduhledžanaja zakanadaŭstvam ZŠA (heta asobnyja štaty), Kitaja, Jehipta, Irana, Vjetnama, Siryi, Tunisa, Iardanii i niekatorych inšych dziaržaŭ. Vyšejšaja miera stanie surjoznym strymlivajučym faktaram dla patencyjnych zdradnikaŭ. My traktujem hetuju mieru pierš za ŭsio jak prafiłaktyčnuju, nakiravanuju na niedapuščeńnie surjoznych złačynstvaŭ suprać dziaržavy», — adznačyŭ staršynia KDB.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?