Alaksandr Kapšul u Homielskim abłasnym sudzie. Fota: «Homielskaja praŭda»
Jak kažuć u «Rabočym ruchu», Alaksandr spyniŭ haładoŭku 20 lutaha. Stan jaho zdaroŭja zdavalniajučy, ale mužčyna duža schudnieŭ. Bolš infarmacyi pra źniavolenaha aktyvista niama.
17 lutaha Homielski abłasny sud pryznačyŭ Alaksandru Kapšulu 15 hadoŭ kałonii ŭzmocnienaha režymu.
Jaho abvinavacili ŭ «zdradzie dziaržavie», «stvareńni i ŭdziele ŭ ekstremisckim farmavańni», a taksama ŭ «niezakonnych dziejańniach z ahniastrelnaj zbrojaj, bojeprypasami i vybuchovymi rečyvami».
Svajoj viny Alaksandr nie pryznaŭ i źbiraŭsia abskardžvać vyrak.
Fihuranty spravy «Rabočaha ruchu»
Byłoha juryskonsulta navapołackaha «Naftana» Alaksandra Kapšula asudzili pa spravie «Rabočaha ruchu».
Jaje fihurantami, akramia Alaksandra, byli 9 rabotnikaŭ vialikich pradpryjemstvaŭ: «Naftana», «Hrodna Azota», BMZ, «Atłanta», Biełaruskaj čyhunki. Usich adpravili ŭ kałoniju za «zdradu dziaržavie», «stvareńnie i ŭdzieł u ekstremisckim farmavańni».
Na 15 hadoŭ pakarali Uładzimira Žuraŭku.
14 hadoŭ prysudzili Siarhieju Šelestu, Andreju Pahieryłu, Alaksandru Hašnikavu.
Na 12 hadoŭ u niavolu adpravili Siarhieja Dziubu, Ihara Minca, Valancina Cieranieviča, Siarhieja Šamiećku.
Na 11 hadoŭ asudzili Hannu Abłab.
U spravie było 38 tamoŭ, u tym liku sakretny. Sud doŭžyŭsia try miesiacy z 9 listapada, bolšaja častka pracesu prachodziła ŭ zakrytym režymie. Abvinavačanyja admovilisia davać pakazańni.
«Rabočy ruch» — abjadnańnie rabočych, jakija byli nie zhodnyja z tym, što adbyvajecca ŭ krainie, i hatovy byli adkryta adstojvać svaju pazicyju.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Vyskačyŭ na chadu z vahona i złamaŭ nahu, sprabujučy paźbiehnuć zatrymańnia. Historyja supracoŭnika «Naftana», jakoha sudziać za «zdradu dziaržavie»
Usie fihuranty spravy «Rabočaha ruchu» svaju vinu ŭ zdradzie dziaržavie nie pryznali
«Zrazumieŭ, što zatrymajuć i vykinuŭsia ź ciahnika». Dziesiaciarych biełarusaŭ buduć sudzić za «zdradu dziaržavie» — padrabiaznaści spravy «Rabočaha ruchu»
