Zatrymańnie moładzi ŭ Homieli. Ilustracyjnaje fota

Zatrymańnie moładzi ŭ Homieli. Ilustracyjnaje fota

Masavyja zatrymańni ŭ Homieli, dzie napiaredadni było schoplena 200 čałaviek i navat raspačataja kryminalnaja sprava «za arhanizacyju dziejańniaŭ, jakija hruba parušajuć hramadski paradak», nie napałochali prychilnikaŭ anime-subkultury «PVK Rodan» u Mahilovie.

Padletki pasprabavali sabracca 1 sakavika a 16-j hadzinie kala handlovaha centra «Atryum». Placoŭku pierad im u 2021 hodzie nazvali płoščaj Adzinstva. Raniej ź jaje pačynalisia maršy pratestu.

«Centr horada ź piešachodnaj vulicaj Leninskaj patrulujuć milicyjanty. Pierymietr placoŭki pierad «Atryumam» pilnujuć ludzi ŭ cyvilnym z charakternaj dla siłavikoŭ źniešnaściu. Na joj samoj pieryjadyčna zjaŭlajecca milicejski narad z dubinkami», — kaža adzin sa śviedkaŭ.

Padletki stajać pa vuhłach płoščy kampanijami da dziesiaci čałaviek. Kali ich źbirajecca bolš, to padychodziać milicyjanty i moładź razychodzicca, kab znoŭ sabracca ŭ inšym miescy. Usie tutejšyja łaŭki zaniatyja padletkami.

«Ich uzrost ad 13 da 16 hadoŭ. U kampanijach padletkaŭ jość dziaŭčaty. U samim handlovym centry prahulvajucca hrupki maładzionaŭ. Tam taksama chodzić milicyja ŭ formie i ŭ cyvilnym», — praciahvaje apovied mužčyna.

Płošča Adzinstva, dzie sprabavała sabracca moładź. Fota: mogilew.by

Płošča Adzinstva, dzie sprabavała sabracca moładź. Fota: mogilew.by

Pavodle jaho, ad 16 da 17 hadzin la «Atryuma» było pad sotniu maładzionaŭ.

«U ich pavodzinach nie adčuvajecca strachu, chiba tolki naściarožanaść», — adznačaje jašče adzin mahiloviec.

Jon kaža, što kali milicyjanty padychodzili da adnoj hrupy, to astatnija vyciahvali šyi i prysłuchoŭvalisia, kab vyznačyć, što treba rabić.

«Uciakać ci zastavacca. Vidać, tak chočuć adčuć adrenalin. Moładź duža ŭzbudžanaja», — zaŭvažaje mužčyna.

Niekatoryja maładziony zajaŭlali, što ich užo nazyvajuć terarystami.

Ci byli zatrymańni, našy surazmoŭcy nie bačyli.

«Mahčyma, chapać moładź pačnuć z nadychodam ciemry abo kali niechta vyjavić ź ich aktyŭnaść. Moža znojdziecca taki tryhier. Niešta musić zapuścicca. Moža, bližej da nadviačorka hrupki pavialičacca», — vykazaŭsia jašče adzin mahiloviec.

«Ale moładź duža zaradžanaja. U ich, u adroźnieńnie ad darosłych, strachu niama», — hetak ža adznačaje jon.

Napiaredadni ŭ škołach pravodzilisia prafiłaktyčnyja hutarki. Vučniaŭ strašyli prablemami, kali paśla vučoby jany nie pojduć pa chatach. Stroha havaryli i z baćkami.

«PVK Rodan» nie maje ničoha ahulnaha z vajskovymi kampanijami. Heta padletkavaja subkultura, dla jakoj charakterny kult hrubaj siły i amatary jakoj užo zaŭvažanyja ŭ niekalkich masavych bojkach. Spačatku sutyčki padletkaŭ z udziełam «PVK Rodan» adbylisia ŭ Rasii, potym pierakinulisia va Ukrainu. Na hety momant ukrainskija pravaachoŭniki vyśviatlajuć, ci jość rasijski śled u hetaj subkultury.

Za «papularyzacyju subkultury «PVK Rodan» zatrymlivali papularnuju tyktokierku

«PVK Rodan» užo ŭ Minsku. Płanujuć sustreču na Kamiennaj Horcy

U Homieli i Mahilovie adnamomantna źjavilisia pabliki niebiaśpiečnaj moładzievaj subkultury «PVK Rodan»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?