Alaksiej i Julija Navalnyja. Palityk asudžany na 9 hod kałonii. Fota: instahram Julii Navalnaj
Julija Navalnaja, žonka palityka Alaksieja Navalnaha, — člen rady dyrektaraŭ Mižnarodnaha fondu baraćby z karupcyjaj. Ale palityčnych ambicyj u jaje niama, kaža jana.
«Ja nie dumaju, što heta toje, u što ja chaču hulać. Viadoma, ja pračytała šmat artykułaŭ, pryśviečanych hetamu, ale ŭ maim razumieńni, kab udzielničać u vybarach i stać palitykam, treba zachacieć heta zrabić. Niama asablivaha sensu dumać pra heta z punktu hledžańnia zamieny: moj muž traplaje ŭ turmu, i ja zamianiaju jaho.
Ja zachaplajusia Śviatłanaj Cichanoŭskaj praz toje, što jana robić. Ale, jak ja ŭžo skazała, vy pavinny chacieć stać palitykam, kab zrabić heta. I ja zrabiła inšy vybar: moj muž — lidar apazicyi, jon u turmie, ja padtrymlivaju jaho i pryciahvaju ŭvahu da jaho situacyi».
Navalny, pa słovach žonki, bolšaść času pravodzić u adzinočnaj kamiery biez naležnaha dostupu da miedycynskaha absłuhoŭvańnia.
«U takich umovach, kali ŭ vas jość prablemy sa zdaroŭjem, jany tolki paharšajucca. Ranicami ŭ jaho prablemy z rukami, adna z noh niamieje, i ŭ jaho prablemy sa śpinaj. Jon uvieś čas u niebiaśpiecy, bo znachodzicca ŭ rukach ludziej, jakija sprabavali jaho zabić», — skazała Julija.
Čytajcie taksama:
Julija Navalnaja raspaviała, jak «razmova» Nika i Majka dapamahła jaje mužu ŭ bierlinskaj klinicy
