Z rasijskich lohkaatletaŭ źniali sankcyi, uviedzienyja za dopinh. Ale im heta mała pamoža 2
Kiraŭničy orhan Mižnarodnaj asacyjacyi lohkaatletyčnych fiederacyj (World Athletics) abviaściŭ 23 sakavika, što admianiaje abmiežavańni, uviedzienyja suprać Usierasijskaj fiederacyi lohkaj atletyki ŭ suviazi z parušeńniami antydopinhavych pravił. Ale heta zusim nie značyć, što rasijskija spartoŭcy viernucca da spabornictvaŭ, udakładniŭ prezident World Athletics Siebaśćian Koŭ.
Fota ilustracyjnaje
«Rada (arhanizacyi) pahadziłasia adnavić paŭnamoctvy Rasijskaj Fiederacyi paśla siami hadoŭ adchileńnia, i heta, viadoma, było źviazana z aburalnymi instytucyjnymi parušeńniami dopinhavych pravił.
Adnak spartsmieny, aficyjnyja asoby i dapamožny piersanał z Rasii i Biełarusi ŭsio jašče vyklučanyja sa spabornictvaŭ u ahladnaj budučyni praz uvarvańnie Rasii va Ukrainu», — havorycca ŭ zajavie World Athletics.