Pavieł Lebiedź. Fota: risu.ua
Mitrapalit Ukrainskaj pravasłaŭnaj carkvy Pavieł (Lebiedź) u zvarocie pryhraziŭ, što boh nie daruje prezidentu Ukrainy vysialeńnia manachaŭ UPC z łaŭry.
«Spadar prezident. Kažu vam i vašaj zhrai, što našy ślozy nie ŭpaduć na ziamlu, jany ŭpaduć vam na hałavu. Vy dumajecie, što, uvajšoŭšy va ŭładu na našych śpinach, vy možacie tak rabić? Haspodź nie daruje ni vam, ni vašaj siamji!» — zajaviŭ Pavieł.
Jon taksama abvinavaciŭ Zialenskaha ŭ tym, što toj admoviŭsia prymać delehacyju UPC, a ministra kultury Alaksandra Tkačenku nazvaŭ «apantanym šalenstvam, złościu, nianaviściu i djabalskim šalenstvam».
«Hora vam. Bojciesia!» — dadaŭ mitrapalit.
Zialenski, kamientujučy situacyju ŭ łaŭry, zaznačyŭ, što Ukraina zrabiła jašče adzin krok da «ŭmacavańnia duchoŭnaj niezaležnaści» i pa «abaronie našaha hramadstva ad starych i cyničnych maskoŭskich manipulacyj relihijaj».
UPC Maskoŭskaha patryjarchatu admaŭlajecca sychodzić z Kijeva-Piačerskaj łaŭry
UPC Maskoŭskaha patryjarchatu da kanca sakavika musić pakinuć Kijeva-Piačerskuju łaŭru
