U hetym ukazie ŭ novaj redakcyi vykładajecca ŭkaz №131 ad 2022 hoda, jaki tyčycca rekłamnaha zboru. Nahadajem, letaś byŭ uviedzieny zbor za raźmiaščeńnie rekłamy ŭ pamiery 10% na vonkavuju rekłamu i rekłamu na transparcie i 20% ad koštu pasłuh u inšych vypadkach. Zbor apłačvajecca rekłamadaŭcami i nakiroŭvajecca na padtrymku dziaržaŭnych miedyja. 

U novym ukazie ŭdakładnieny pieralik tych, kamu i na što hetyja hrošy pojduć (u raniejšaj redakcyi havaryłasia prosta pra dziaržaŭnyja redakcyi ahułam i finansavańnie vytvorčaści nacyjanalnaha kantentu).

Tak, sabranyja srodki atrymajuć dziaržaŭnyja redakcyi na vytvorčaść nacyjanalnaha kantentu, dziaržTB — na pakupku abstalavańnia, prahramnaha zabieśpiačeńnia i techničnaje pieraasnaščeńnie fondaŭ, a taksama BiełTA i «Dom presy».

Hrošy z rekłamy atrymaje i žurfak BDU — na arhanizacyju navučańnia i pakupku teleabstalavańnia.

Niadaŭna było anansavana, što na žurfak z hetaha hoda nie buduć nabirać studentaŭ na płatnyja miescy.

Raźmiarkoŭvać srodki budzie kamisija, stvoranaja Ministerstvam infarmacyi.

Čytajcie taksama:

Dekanam žurfaka BDU pastavili palitołaha, jaki śpiecyjalizujecca na antyzachodniaj prapahandzie

«Navošta?» Prapahandysty pryznalisia, što stamilisia apraŭdvać raźmiaščeńnie jadziernaj zbroi ŭ Biełarusi

Fakultet žurnalistyki BDU značna skaračaje nabor i admianiaje płatnyja miescy

Łukašenka padpisaŭ ukaz ab raźvićci ŚMI. Dziaržaŭnyja miedyja buduć ciapier karmicca sa zboru ad rekłamadaŭcaŭ 

Клас
0
Панылы сорам
4
Ха-ха
2
Ого
0
Сумна
0
Абуральна
7