14 krasavika vajskovaje viedamstva Biełarusi paviedamiła, što lotny i inžynierna-techničny skład vajenna-pavietranych sił i vojskaŭ supraćpavietranaj abarony Biełarusi zaviaršyli dadatkovuju padrychtoŭku pa prahramie ekspłuatacyi i bajavoha vykarystańnia šturmavikoŭ Su-25.

«Padrychtoŭka ŭklučała jak tearetyčny kurs, tak i praktyčnyja zaniatki pad kiraŭnictvam vopytnych rasijskich instruktaraŭ, što dazvoliła nie tolki palepšyć praktyčnyja navyki lotnaha składu, ale i asvoić novyja sposaby prymianieńnia sučasnych avijacyjnych srodkaŭ paražeńnia, u tym liku i śpiecyjalnych bojeprypasaŭ», — havorycca ŭ paviedamleńni.

Paviedamlajecca taksama, što vajskoŭcy asvoili prahramu padrychtoŭki «ŭ poŭnym abjomie», a atrymanyja viedy i ŭmieńni «pasłužać zabieśpiačeńniu vajennaj biaśpieki Sajuznaj dziaržavy».

Admietna, što na raźmieščanym u telehram-kanale Minabarony videa pra prahramu dapadrychtoŭki raskazvaje čałaviek u kaściumie vajskovaha piłota, imia jakoha nie nazyvajecca, a akulary na lotnym šlemie chavajuć jaho tvar.

Čytajcie taksama:

«Słabyja patuhi asobnych ekstremistaŭ». Chrenin anansavaŭ dalejšyja pravierki bojehatoŭnaści

U Biełarusi moža źjavicca i stratehičnaja jadziernaja zbroja — Chrenin

Hiermanija dazvoliła Polščy pieradać piać samalotaŭ-źniščalnikaŭ Ukrainie

Клас
0
Панылы сорам
0
Ха-ха
2
Ого
0
Сумна
0
Абуральна
2