Słužyli protaijerej Hieorhij Roj i ijerej Alaksandr Kuchta, jany pierajšli z-pad jurysdykcyi Maskoŭskaj patryjarchii pad jurysdykcyju Kanstancinopalskaha patryjarcha.

Pamiaškańnie dla słužby im dała luteranskaja carkva. 

Na słužbu sabrałasia kala 150 čałaviek, pieravažna moładź i ludzi siarednich hadoŭ. Śpiavaŭ chor. Malilisia ŭ tym liku za patryjarcha Kanstancinopalskaha Varfałamieja, jaki pryniaŭ pieršych biełaruskich śviataroŭ pad svoj amafor. Malilisia taksama za najskarejšaje skančeńnie vajny i represij.

Paśla słužby byli aśviačanyja paski — ich zaŭvažnaja ścipłaść, a bolšuju častku sabranych składali niadaŭnija ŭciekačy, kantrastavała z pyšnymi interjerami luteranskaj bažnicy.

Śviatary kožnamu z prysutnych padaryli pa vielikodnym jajku.

Na ŭsianočnaj prysutničała časovaja pavieranaja ŭ spravach Litoŭskaj Respubliki ŭ Respublicy Biełaruś Asta Andryjaŭskienie.

U niadzielu a 14-j ad Vostraj Bramy maje pačacca ekskursija pa pravasłaŭnych miaścinach Vilni. 

Čytajcie taksama:

Śviatar Hieorhij Roj — pra danosy na jaho, malitvy za Rasiju, jakija dasyłali źvierchu, nadziei na Suśvietny patryjarchat i strach pryvyknuć da niesvabody 

Dva vybitnyja biełaruskija pravasłaŭnyja śviatary pierajšli va Usialenski patryjarchat

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?