kakain

Pakunki z kakainam, kanfiskavanyja ŭ estonskim porcie Muuha. Fota: Dziaržaŭnaja prakuratura Estonii

Vajna i admova bolšaści ŭkrainskich mafijozi dalej supracoŭničać z rasijskimi «kalehami» zrabili niemahčymym vykarystańnie zvyčajnych kantrabandnych maršrutaŭ, jakija pralahali praz Ukrainu. Heta vymusiła šukać inšyja šlachi, što adbiłasia na cenach i prybytku złačynnych sindykataŭ.

Pra heta piša The Economist, spasyłajučysia na analityčny centr Hłabalnaj inicyjatyvy suprać transnacyjanalnaj arhanizavanaj złačynnaści (GITOS).

Da vajny GITOS staviła Ukrainu na 34-je miesca siarod 193 krain pa indeksie złačynnaści i na 3-je miesca ŭ Jeŭropie. Kraina mieła vielmi drennyja acenki ŭzroŭniu karumpavanaści.

U 2019 hodzie Uładzimira Zialenskaha abrali prezidentam na antykarupcyjnaj płatformie, i jaho administracyja sapraŭdy ŭzmacniła baraćbu z arhanizavanaj złačynnaściu, ale Ukraina zastavałasia źviazanaj z suśvietnymi kryminalnymi rynkami. Kantrabandnaja «supiermahistral» złučała jaje praz uschodnija akupavanyja ŭ 2014 hodzie terytoryi z Rasijaj.

Praciahvali kvitnieć chaby kantrabandy ŭ Adesie, Mikałajevie dy inšych čarnamorskich partach. U krainie pa-raniejšamu pracavali zavody pa vytvorčaści zabaronienych tavaraŭ na ekspart.

Takaja infrastruktura, adznačajuć analityki, padtrymlivała roznyja biznes-madeli. Praz Ukrainu prachodziŭ tranzitny maršrut hierainu z Afhanistana. Praz party Čornaha mora išoŭ kakain z Łacinskaj Amieryki, zbroja ŭ Aziju i Afryku.

U 2020 hodzie Ukraina abahnała Kitaj i stała najbujniejšaj u Jeŭropie krynicaj nielehalnaha tytuniu. Śpiecyjalisty adznačajuć, što ŭ krainie rasła vytvorčaść amfietaminaŭ. U 2020 hodzie było likvidavana 67 nielehalnych łabaratoryj.

Usio źmianiła vajna, stvaryŭšy «asiarodździe nieprymalnaj ryzyki dla mižnarodnaha niezakonnaha handlu», havorycca ŭ novaj spravazdačy ŭrada ZŠA. Spyniłasia albo mocna abmiežavanaje sudnachodstva ŭ čarnamorskich partach. Na miažy Ukrainy z Rasijaj i Biełaruśsiu pralahli akopy i minnyja pali.

Kryminalny śviet byŭ pazbaŭleny krynic pracoŭnaj siły ŭ vyniku pryzyvu va Ukrainie, a vajennaje stanovišča spyniła šyroki śpiektr złačynnaj dziejnaści. Pierasoŭvańni nočču byli ŭskładnienyja kamiendanckaj hadzinaj. Ukrainskija «mafijozi» stali curacca svaich rasijskich «kaleh».

Efiekty ad hetaha stali adčuvacca va ŭsim śviecie, bo źmianilisia šlachi kantrabandy. Analityki spasyłajucca na tureckich mytnikaŭ, jakija adznačajuć rost patoku hierainu i mietamfietaminu praź miažu ź Iranam.

Jany taksama pryvodziać danyja litoŭskich pamiežnikaŭ, jakija ŭ pieršym kvartale 2022 hoda adznačyli čatyrochrazovy rost kantrabandy tytuniovych vyrabaŭ u paraŭnańni z adpaviednym pieryjadam minułaha hoda. U estonskim porcie Muuha ŭ minułym hodzie było kanfiskavana 3,5 tony łacinaamierykanskaha kakainu na sumu kala paŭmiljarda jeŭra.

Na dumku analityka, vajna adkryła novyja karotkaterminovyja mahčymaści dla bandytaŭ va Ukrainie. Adna ź ich — kantrabanda ludziej. Pavodle acenak AAN, kala 100 tysiač čałaviek z 5 miljonaŭ ukrainskich biežancaŭ, jakija znachodziacca pad «časovaj abaronaj» u Jeŭropie, mohuć stać achviarami handlu ludźmi. Akramia hetaha, isnuje rynak nielehalnaha vyvazu ludziej pryzyŭnoha ŭzrostu z Ukrainy.

Śpiecyjalisty adznačajuć, što doŭhaterminovy ŭpłyŭ vajny akaža zhubny ŭpłyŭ na złačynnaść u Rasii. Dziaržava ŭzmacniła suviazi z arhanizavanaj złačynnaściu, jakija isnavali da hetaha, ale redka vykarystoŭvalisia. Złačyncaŭ masava viarbujuć u armiju i PVK «Vahnier». Praz arhanizavanyja złačynnyja hrupoŭki Rasija sprabuje zdabyvać elektroniku, pastaŭki jakoj zabaronienyja sankcyjami.

Doŭhaterminovaja pierśpiektyva składanaja. Hałoŭnaja niebiaśpieka — na rynku moža źjavicca vializnaja kolkaść nielehalnaj zbroi, jak i paśla kožnaj vajny. Ale na hety momant, cytujuć aŭtary artykuła pradstaŭnika Interpała, hetaha nie nazirajecca.

Inšaja niebiaśpieka źviazanaja z vytvorčaściu narkotykaŭ. U artykule adznačajecca, što ŭrad ZŠA niadaŭna paviedamiŭ pra rost bolš razhalinavanych sietak mienšych narkałabaratoryj va Ukrainie, jakija vykarystoŭvajuć internet dla prodažu i paštovuju sistemu dla dastaŭki.

Ale hałoŭnaje, što adznačajuć aŭtary artykuła: razryŭ fizičnych i sacyjalnych suviaziaŭ pamiž ukrainskaj i rasijskaj złačynnymi sietkami daje Ukrainie vialiki šans na dealiharchizacyju i vyvad «šeraj ekanomiki» ŭ lehalnuju płoskaść.

Čytajcie jašče:

Amierykanski hanhstar u Niaśvižy: karupcyja, padrobka dakumientaŭ i prastytucyja

Polskija pamiežniki razhramili najbujniejšuju ŭ historyi hrupu, jakaja zajmałasia kantrabandaj cyharet

U ES płanujuć palehčyć kanfiskacyju majomaści, zdabytaj złačynnym šlacham. Heta kranie rasijan i biełarusaŭ

Клас
71
Панылы сорам
8
Ха-ха
10
Ого
24
Сумна
9
Абуральна
24