Pra heta paviedamiŭ namieśnik ministra pa padatkach i zborach Vasil Kamianko.

Pavodle źviestak Ministerstva pa padatkach i zborach, kala 30% pryvatnych kampanij stalicy płaciać zarobak, nižejšy za dva biudžety pražytkovaha minimumu (adzin BPM na siońnia składaje 250 tys.). Namieśnik ministra peŭny, što ŭ takich vypadkach asnoŭny zarobak płacicca nielehalna, u «kanviertach».

Takim čynam firmy sychodziać ad padatkaŭ. U fond sacyjalnaj abarony ŭ Biełarusi adličvajecca až 35% ad fondu zarpłaty.

Padatkaviki raspačali vialikuju kampaniju analizu dachodaŭ i raschodaŭ supracoŭnikaŭ takich firmaŭ. Kali raschody pieravyšajuć zarobki, dyk za roźnicu spahaniajuć padatak i naličvajuć štrafy.

Sumy spahnańniaŭ pakul nievialikija. U 2008 hodzie, tyja, chto nie zmoh patłumačyć pieravyšeńnie vydatkaŭ nad prybytkami, dapłacili usiaho tolki 1 miljard padachodnaha padatku. Sioleta rost danaličanych sumaŭ skłaŭ 70%, amal da 2 miljardaŭ.

Na Zachadzie kantrol za supadzieńniem aficyjnych dachodaŭ z vydatkami jašče stražejšy. Tam padatkaviki źličajuć navat samyja niaznačnyja vydatki. Na siońnia takoje ŭ Biełarusi niemahčyma, bo zašmat ludziej zaležać ad dachodaŭ z bazaru, ziamli, lesu, jakija niemahčyma ŭličyć. Adnak pa miery rostu dabrabytu padatkovyja patrabavańni buduć uzrastać i ŭ našaj krainie.

Kab najmalniki nie sychodzili ad padatkaŭ, dziaržava pavinna budzie źnizić padatkovuju nahruzku na zarobki. Na siońnia pradpryjemstva spłačvaje ŭ jakaści padatkaŭ 40% zvyš sumy zarobku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?